Amalumbo 66:1-20
Ku mukalamba wa bakemba. Ulwimbo.
66 Welesheni kabili lumbanyeni Lesa, mwe bantu bonse pano isonde.+
2 Imbeni inyimbo* sha kulumbanya ishina lyakwe ilya bukata.
Mwimbileni inyimbo sha kumucindamika.+
3 Ebeni Lesa amuti: “Ifyo mwacita filalenga tulemutiina no kumucindika!+
Apo mwalikwatisha amaka,Abalwani benu bakalatutuma pa ntanshi yenu.+
4 Abantu bonse pano isonde bakamukontamina;+Bakemba inyimbo sha kumulumbanya;Bakembila ishina+ lyenu amalumbo.” (Selah)
5 Iseni mumone ifyo Lesa acita.
Ifyo acitila abana ba bantu fya kupapa.+
6 Alengele apali bemba pauma;+Bayabwike umumana na makasa.+
Kulya e ko twasekelele pa mulandu wa fyo acitile.+
7 Alateka umuyayaya+ pa mulandu wa kuti alikwata amaka.
Amenso yakwe yatwalilila ukulolesha inko.+
Mwileka bacintomfwa baleicindamika.+ (Selah)
8 Lumbanyeni Lesa wesu mwe bantu bonse,+Kabili lekeni amashiwi ya kumulumbanya yomfwike.
9 E utusunga aba mweo;*+Taleka amakasa yesu yaipununa.*+
10 Pantu namutuceeceeta mwe Lesa;+Namutulopolola nga filya balopolola silfere.
11 Mwatwikete mwi sumbu;Mwabikile icipe icafina pali ifwe.*
12 Mwalekele umuntu umwina kufwa atunyata;*Twapitile mu mulilo na mu menshi;Lyena mwatutwele ku cifulo uko twailetuusha.
13 Nkesa ku ng’anda yenu ne mituulo+ ya koca;Nkafikilisha imilapo nalapa kuli imwe,+
14 Imilapo iyo imilomo yandi yalandile+Kabili iyo akanwa kandi kalandile ilyo nali na mafya.
15 Nkamutuulila imituulo ya koca iya nama ishaina,Pamo ne cushi ce lambo lya mpaanga ishilume.
Nkatuula ing’ombe ishilume pamo ne mbushi ishilume. (Selah)
16 Iseni mumfwe imwe bonse mwe batiina Lesa,Nalamushimikila ifyo ancitila.*+
17 Akanwa kandi kaliliile kuli enaNo lulimi lwandi lwalimulumbenye.
18 Nga ca kuti mu mutima wandi mwali icabipa,Yehova nga tang’umfwile.+
19 Lelo Lesa aling’umfwile;+Alyumfwile ipepo napepele.+
20 Nalumbanishiwe Lesa, uushakeene ukumfwa ipepo lyandi,Kabili uushakeene ukunanga ukutemwa ukushipwa.
Amafutunoti
^ Nelyo “Shikeni inyimbo.”
^ Nelyo “Taleka umweo wesu wafwa.”
^ Nelyo “ukutalantanta.”
^ Mu ciHebere, “pa ntungu shesu.”
^ Mu ciHebere, “atunyanta pa mitwe.”
^ Nelyo “ifyo acitila umweo wandi.”
