Amalumbo 71:1-24
71 Muli imwe mwe Yehova e mo nauba.
Mwileka nseebane.+
2 Mpokololeniko kabili mpususheni pa mulandu wa bulungami bwenu.
Umfweni ifyo ndelanda* kabili mpususheni.+
3 Beni icilibwe candi ica kuncingililaUmo lyonse ningengila.
Tumeni uwa kumpususha,Pantu muli cilibwe candi kabili uwa kuncingilila.+
4 Mwe Lesa wandi, mpususheni mu kuboko kwa mubifi,+Mpokololeni mu minwe ya umfyenga kabili uuncusha.
5 Pantu nimwe nacetekela mwe Shikulu Mulopwe Yehova;Ukutula fye ku bwaice nalimucetekela.+
6 Ukufuma fye ilyo nafyelwe nashintilila pali imwe;Nimwe mwamfumishe mwi fumo muli mayo.+
Lyonse ndamulumbanya.
7 Abantu abengi balipapile ilyo bamwene ifyancitikiile,Lelo imwe muli cubo candi icakosa.
8 Akanwa kandi kalamulumbanya;+Kabili akasuba konse nanda pa bukata bwenu.
9 Mwimpoosa ilyo nakota;+Mwinsha ilyo amaka yandi yapwa.+
10 Abalwani bandi balalanda ifyabipa pali ine,Kabili abafwaya ukunjipaya* balampangila mu bumfisolo,+
11 Balanda abati: “Lesa namulekelesha.
Mupepekeni no kumwikata, pantu takuli uwa kumupususha.”+
12 Mwe Lesa mwintaluka.
Mwe Lesa wandi angufyanyeni ukwisa mu kungafwa.+
13 Abalendwisha*Nabaseebane kabili balobe.+
Abalefwaya ukuti ifyabipa fincitikileNabekatwe insoni kabili baseebane.+
14 Lelo ine nkatwalilila ukumulolela;Kabili nkacilapo ukumulumbanya.
15 Akasuba konse nkalanda pa bulungami+ bwenu,Na pa fyo mucita pa kupususha,Nangu ca kuti fingi nga nshi ica kutila te kuti mfishibe bwino bwino.*+
16 Nkesa kabili nkalanda pa fikalamba ifyo mwacita,Mwe Shikulu Mulopwe Yehova;Nkalanda fye pa bulungami bwenu bweka.
17 Mwe Lesa mwalinsambilisha ukufuma ku bwaice,+Kabili ukufika na lelo nanda pa fisuma ifyo mwacita.+
18 Nangu ca kuti ninkota kabili ndi ne mfwi, mwe Lesa mwindekelesha.+
Lekeni nkashimikile aba mu nkulo iikakonkapo pa maka yenu*Kabili nkalondolwele bonse abakesabako+ pali bumpalume bwenu.
19 Ubulungami bwenu mwe Lesa, bukalamba;+Mwalicita ifintu ifikalamba;Nani uwaba nga imwe mwe Lesa?+
20 Nangu ca kuti mwalilenga naba na mafya na macushi,+Lengeni mbe na maka na kabili;Mfumyeni apo isonde+ lyashika.*
21 Lekeni ncindaminekoKabili nshingulukeni no kunsansamusha.
22 Lyena nkamulumbanya ninshi ndelisha icilimba ca nsalePantu muli ba cishinka mwe Lesa+ wandi.
Nkamwimbila inyimbo sha kumulumbanya* ninshi ndelisha insango,Mwe Bamushilo ba kwa Israele.
23 Akanwa kandi kakulasekelela ilyo kakulamwimbila inyimbo sha kumulumbanya,+Pantu namumpususha.*+
24 Ululimi lwandi lukalanda* pa bulungami bwenu akasuba konse,+Pantu abafwaya ukuti ubonaushi bwise pali ine, bakekatwa insoni kabili bakaseebana.+
Amafutunoti
^ Nelyo “Kontameni no kukutika.”
^ Nelyo “abafwaya umweo wandi.”
^ Nelyo “Abalelwisha umweo wandi.”
^ Nelyo “te kuti mfipende.”
^ Mu ciHebere, “pa kuboko kwenu.”
^ Nelyo “Njabuleni mu menshi ayaba apashika.”
^ Nelyo “Nkamushikila inyimbo.”
^ Nelyo “namulubula umweo wandi.”
^ Nelyo “lukalanda mwi shiwi ilinono; lukatontonkanyapo sana.”
