Amalumbo 72:1-20
Ilumbo pali Solomone.
72 Mwe Lesa, lengeni imfumu* ipingule ukulingana no bupingushi bwenu,Kabili peeleni imfumu ubulungami bwenu.+
2 Nalandileko abantu benu mu bulungami,Kabili napingwileko mu mulinganya+ abashakwata bakubafwa.
3 Impili nashilete umutende ku bantu,Kabili utupili natulete ubulungami.
4 Lekeni acingilile* abashakwata bakubafwa,Lekeni apusushe abana ba bapiina,Kabili lekeni ashonaule aba bucenjeshi.+
5 Filya fine akasuba kabako umuyayayaKabili filya fine umweshi wabako umuyayaya,E fyo abantu bobe nabo bakulakutiina umuyayaya.+
6 Akaba nge mfula iilelokela pa cani ico bakwempele,Kabili akaba nge mfula iitapilila isonde.+
7 Ilyo akalateka, abalungami bakapuuka nge cani,+No mutende ukaba konse+ kabili ukatwalilila ukubako nga filya umweshi utwalilila ukubako.
8 Kabili akalateka ukufuma kuli bemba imo ukufika kuli bemba imbiNo kufuma ku Mumana* ukufika ku mpela sha pano isonde.+
9 Abekala mu ciswebebe bakamukontamina,Kabili abalwani bakwe bakamyanga ulukungu.+
10 Imfumu sha ku Tarshishi ne sha pa fishi shikaleta imituulo.+
Imfumu sha ku Sheba ne sha ku Seba shikaleta ifya bupe.+
11 Imfumu shonse shikamukontamina,Kabili inko shonse shikamubombela.
12 Pantu akapususha umupiina uulepunda mutuule,Kabili akapususha uo balecusha e lyo no uushakwata bakumwafwa.
13 Akomfwila uluse uo bacusha no mupiina,Kabili akapususha imyeo ya bapiina.
14 Akabapususha* ku bankalwe na kubacusha abantu,Kabili umulopa wabo akalaumona ukuti walicindama nga nshi.
15 Lekeni abe no mweo kabili bamupeele golde ya ku Sheba.+
Nabalemupepelako lyonse,Kabili abe uwapaalwa akasuba konse.
16 Ingano shikafula nga nshi pano isonde;+Pa muulu wa mpili shikafula icine cine.
Ifisabo fya iko fikatwalisha nge fisabo fya mu Lebanone,+Kabili abantu bakafula mu misumba nge cani ca pano isonde.+
17 Ishina lyakwe nalibeko umuyayaya,+Nalitwalilile ukubako nga filya akasuba katwalilila ukubako.
Abantu nabapaalilwe muli ena,+Inko shonse nashimwebe ukuti wa nsansa.
18 Nalumbanishiwe Yehova Lesa wa kwa Israele,+Eka fye e ucita ifintu ifisuma nga nshi.+
19 Ishina lyakwe ilya bukata nalilumbanishiwe umuyayaya,+Kabili pano isonde ponse+ napabe ubukata bwakwe.
Ameni, Ameni.
20 Pano e papwila amapepo ayo Davidi mwana Yese+ apepele.
Amafutunoti
^ Mu ciHebere, “umwana umwaume uwa mfumu.”
^ Mu ciHebere, “apingwileko.”
^ E kutila, Umumana wa Yufrate.
^ Nelyo “Akalubula imyeo yabo.”
