Amalumbo 74:1-23
Maskili.* Ulwimbo lwa kwa Asafi.+
74 Cinshi ico mwe Lesa mwatukaanina umuyayaya?+
Cinshi ubukali bwenu ububilima ngo mulilo* bwishila pa mpaanga isho mwalecema?+
2 Ibukisheni abantu* abo mwasalile kale sana,+Umukowa uo mwalubwile pa kuti ube ubupyani bwenu.+
Ibukisheni Ulupili lwa Sione ulo mwaikalamo.+
3 Kabiyeni ku cifulo ico baonaula umuyayaya.+
Umulwani naonaula fyonse ifyaba mu cifulo ca mushilo.+
4 Abalwani benu babulumina mu cifulo ca kukumaninamo.*+
Baimikamo ne fishibilo fyabo.
5 Bali nga baume abaimishe amasembe pa kuti bateme ifimuti mu mutengo.
6 Babomfeshe amasembe ne fyela pa konaula fyonse ifyo bayemfesheko+ icifulo ca kukumaninamo.
7 Baoca icifulo cenu ica mushilo.+
Basaalula itenti lya mushilo umwaba ishina lyenu, kabili balyonaula lyonse ukufika na panshi.
8 Bena na bana babo balanda mu mitima yabo abati:
“Ififulo fyonse ifya kukumaninapo ifyaba mu calo ifya kwa Lesa* tufwile ukufyoca.”
9 Tatulemonapo icishibilo nangu cimo;Takuli kasesema nangu umo uwashalapo,Kabili pali ifwe tapali nangu umo uwaishiba ilyo ici cikapwa.
10 Ni lilali mwe Lesa umulwani akaleka ukumupumya?+
Bushe akalasaalula fye ishina lyenu umuyayaya?+
11 Cinshi ico mushilefungululwila ukuboko kwenu ukwa ku kulyo?+
Kufumyeni pa cifuba cenu,* kabili bepayeni.
12 Lelo ukufuma fye na kale Lesa ni Mfumu yandi,Alapususha ababomfi bakwe mwi sonde lyonse.+
13 Mwaseseshe bemba ku maka yenu;+Mwatobawile imitwe ya bashimweshimwe ba muli bemba.
14 Mwatobawile imitwe ya baLevayatani;*Mwapeele abantu abekala mu fiswebebe ukuti balye.
15 Mwatulile utumfukumfuku pa kuti kube imimana;+Mwakamishe imimana iishikama.+
16 Inshita ya kasuba yenu, ne nshita ya bushiku nayo yenu.
Nimwe mwapangile ulubuuto* na kasuba.+
17 Nimwe mwabikile imipaka yonse iye sonde;+Nimwe mwabikileko inshita ya lusuba ne nshita ya mpepo.+
18 Ibukisheni ifyo umulwani amupumya mwe Yehova,Ifyo abawelewele basaalula ishina lyenu.+
19 Mwipeela inama mpanga umweo wa cipele.
Mwikatwalilila ukulaba umweo wa bantu benu abacula.
20 Ibukisheni icipangano,Pantu mu ncende ishafiita pano isonde mwaisula abankalwe.
21 Mwileka uo bacusha abwelelemo ninshi naseebana;+Uushakwata bakumwafwa no mupiina nabalumbanye ishina lyenu.+
22 Imeni mwe Lesa, ilubulwileni umulandu.
Ibukisheni ifyo abawelewele bamupumya akasuba konse.+
23 Mwilaba ifyo abalwani benu balelanda.
Icongo ca balemuseebanya cilekulilako fye.
Amafutunoti
^ Mu ciHebere, “ubufuuka nge cushi.”
^ Mu ciHebere, “ulukuta lwenu.”
^ Nelyo “icifulo ca kulonganinamo.”
^ Nelyo “ififulo fyonse ifyo bapepelapo Lesa.”
^ Nelyo “mu ca kufwala cenu.”
^ Nelyo “icisanika ulubuuto.”