Amalumbo 75:1-10
-
Lesa alaba no mulinganya ilyo alepingula
-
Ababifi bakanwa kapu ya kwa Yehova (8)
-
Ku mukalamba wa bakemba. “Ulwimbo lwa Pali Mwionaula.” Ulwimbo lwa kwa Asafi.+
75 Twamutootela mwe Lesa, twamutootela;Ishina lyenu lyaba na ifwe,+Kabili abantu balabilisha imilimo yenu iisuma.
2 Mulanda amuti: “Nga nabika inshita ya kupingula,Ndapingula mu mulinganya.
3 Ilyo isonde na bonse abaikalamo fyasungulwike,Nine nakoseshe inceshi sha liko.” (Selah)
4 Njeba abayumfwa nati: “Mwilayumfwa,”
Kabili njeba ababifi nati: “Mwilaimya amaka yenu.*
5 Mwilaimya amaka yenu* pa muuluNelyo ukulalanda cilumba cilumba.
6 Pantu ubucindami tabufuma ku kabanga nangu ku masambaNelyo ku kapinda ka ku kulyo.
7 Pantu Lesa ni kapingula.+
Alapoka umo ubucindami, apeela umbi.+
8 Pantu kapu ili mu minwe+ ya kwa Yehova;Umwangashi ulefumya ifulo, kabili baliusakaanya bwino.
Akaupongolwela pa babifi,Kabili ababifi bonse aba pano isonde bakaunwena kumo na mashi.”+
9 Lelo ine nkabila pali ifi umuyayaya;Nkembila Lesa wa kwa Yakobo inyimbo* sha kumulumbanya.
10 Pantu alanda ati: “Nkaputula amaka yonse aya babifi.*Lelo amaka ya balungama nkayemya.”*
Amafutunoti
^ Mu ciHebere, “ulusengo lwenu.”
^ Mu ciHebere, “ulusengo lwenu.”
^ Nelyo “nkamushikila inyimbo.”
^ Mu ciHebere, “insengo shonse isha babifi.”
^ Mu ciHebere, “insengo shonse isha balungama nkashimya.”
