Amalumbo 76:1-12
Ku mukalamba wa bakemba; abalisha ifilimba fya nsale pa kwimba. Ulwimbo lwa kwa Asafi.+
76 Lesa alishibikwa mu Yuda;+Ishina lyakwe likalamba+ mu Israele.
2 Itenti lyakwe lyaba mu Salemu,+Kabili ekala mu Sione.+
3 Kulya e ko afunine imifwi ya mulilo no buta,Aonawile inkwela, ulupanga ne fyanso fimbi ifya nkondo.+ (Selah)
4 Mulabengeshima nga nshi;*Ubucindami bwenu bwalicila impili umwikala inama ishilya inama shinankwe.
5 Abashipa nababapokolola fyonse ifyo bakwata,+
Nabalaala;Abashilika bonse tabakwete aba kubafwa.+
6 Apo namubatiinya mwe Lesa wa kwa Yakobo,Abanina mwi celeta e lyo na bakabalwe balaala utulo.+
7 Imwe mweka muli bakutiinya,+
Nani engeminina pa ntanshi yenu ilyo mukalipe nga nshi?+
8 Mwalengele ubupingushi bwenu bwaumfwika ukufuma ku muulu;+Abekala pe sonde balitiinine kabili baikele tondolo+
9 Ilyo Lesa aimine pa kuti apingule,Pa kuti apusushe abafuuka bonse aba pano isonde.+ (Selah)
10 Pantu icipyu ca bantu cikalenga bakamulumbanye;+Ifyo abantu bakalekeleshako ukucita pa mulandu wa kuti nabakalipa, e fyo mukaicindamikilako.
11 Lapeni imilapo kuli Yehova Lesa wenu, kabili fikilisheni ifyo mwalapa,+Lekeni bonse abamushingulwike bamuletele ubupe ninshi bali no mwenso.+
12 Akalenga intungulushi ishaba ne cilumba* shikaicefye;Alenga imfumu sha pano isonde shaba no mwenso.