Amalumbo 79:1-13
Ulwimbo lwa kwa Asafi.+
79 Mwe Lesa inko nashisansa ubupyani bwenu;+Nashikowesha itempele lyenu ilya mushilo;+Nashonaula Yerusalemu ica kuti ili fye ifitantaala.+
2 Nashipeela ifyuni fya mulwelele ifitumbi fya babomfi benu pa kuti filyeKabili nashipeela ifiswango fya mu mpanga imibili ya baba ne cishinka kuli imwe.+
3 Nashipongolola umulopa wabo nga menshiUkushinguluka Yerusalemu, kabili takuli uushelepo uwa kuti abashiike.+
4 Natuseebana ku bena mupalamano;+Abatushinguluka baletupumya kabili baletuwela.
5 Ni lilali mwe Yehova mukaleka ukukalipa? Bushe mukatwalilila fye ukukalipa?+
Bushe ni lilali ubukali bwenu bukaleka ukupya ngo mulilo?+
6 Pongolweleni ubukali bwenu pa nko ishishamwishibaNa pa mabufumu ayashililila kwi shina lyenu.+
7 Pantu nashilofya abatuntuka muli YakoboKabili nashonaula icalo cabo.+
8 Mwitupeela umulandu pa membu ishacitile ifikolwe fyesu.+
Angufyanyeni ukutubelela uluse,+Pantu tuli mu bwafya ubukalamba.
9 Twafweni mwe Lesa mwe batupususha,+Pa mulandu we shina lyenu ilya bukata;Tupususheni kabili tweleleni* imembu pa mulandu we shina lyenu.+
10 Cinshi inko shingalalandila ashiti: “Ali kwi Lesa wabo?”+
Lekeni tukamoneko uko inko shikeshiba ukutiMwalilandula pa mulopa wa babomfi benu abo shaipaya.+
11 Umfweni ifyo umufungwa aleteta.+
Bomfyeni amaka yenu ayakalamba* pa kuti mupusushe* abo bapingula ukuti bafwile ukufwa.*+
12 Kandeni abena mupalamano besu imiku 7+Pa fyo bamuseebanya mwe Yehova.+
13 Lyena ifwe fwe bantu benu abo mucema,+Twakulamutootela umuyayaya;Kabili twakulamulumbanya mu nkulo shonse.+
Amafutunoti
^ Mu ciHebere, “fimbeni pa.”
^ Mu ciHebere, “ukuboko.”
^ Nelyo kuti yapilibula no kuti, “mulubule.”
^ Mu ciHebere, “abana bamfwa.”
