Amalumbo 80:1-19
Umukalamba wa bakemba; ulwimbo lwa “Maluba.” Ulo abantu bafwile ukulaibukisha. Ulwimbo lwa kwa Asafi.+
80 Mwe bacema Israele umfweni,Mwe batungulula Yosefe nge mpaanga.+
Mwe baikala pa muulu* wa bakerubi,+Bengeshimeni.
2 Langeni amaka yenu;+Pa ntanshi ya kwa Efraimu na Benjamini na Manase,Iseni mutupusushe.+
3 Mwe Lesa tubeleleni uluse na kabili;+Lekeni icinso cenu citubengeshimine pa kuti tupusuke.+
4 Mwe Yehova Lesa wa mabumba, ni lilali mukaleka ukukalipa abantu benu nga bapepa kuli imwe?+
5 Mubaliisha ifilamba mu cifulo ca kubaliisha ifya kulya,Kabili mulenga banwa ifilamba ifingi nga nshi.
6 Mulenga abekala mupepi na ifwe balaumanina pali ifwe;Abalwani besu balatupumya apo balefwaila.+
7 Mwe Lesa wa mabumba tubeleleni uluse na kabili;Lekeni icinso cenu citubengeshimine pa kuti tupusuke.+
8 Mwalengele umwangashi+ wafuma mu Egupti.
Lyena mwatamfishe inko mu calo ca shiko pa kuti mulimbemo umwangashi.+
9 Mwaliwemye apo mwalefwaya uku-ulimba,Kabili walimenene, waba fye mpanga yonse.+
10 Impili shali mu cinshingwa ca uko,Ne mikedari ya kwa Lesa yali mwi samba lya misambo ya uko.
11 Imisambo ya uko yailefika kuli bemba,No tumisambo twa uko twailefika ku Mumana.*+
12 Cinshi mwabongolwela ifibumba fyashinguluka umwangashi,+Ica kuti bonse abalepita baleswako ifisabo fya uko?+
13 Bakapoli ba mu mutengo baonaula uyu mwangashi,Ne nama sha mu mpanga shileulya.+
14 Mwe Lesa wa mabumba bweleni.
Lolesheni ukufuma ku muulu, mumone filecitika!
Sakamaneni uyu mwangashi,+
15 Umusambo ukuboko kwenu ukwa kulyo kwalimbile,+Kabili moneni umwana* mwakushishe.+
16 Umwangashi baoca+ kabili bautema.
Abantu baloba pa mulandu wa bukali bwenu.*
17 Ukuboko kwenu nakutungilile umuntu uuli ku kulyo kwenu,Umwana wa muntu uo mwakushishe.+
18 Lyena tatwakamushe.
Tusungeni aba mweo pa kuti tulilile kwi shina lyenu.
19 Mwe Yehova Lesa wa mabumba tubeleleni uluse na kabili;Lekeni icinso cenu citubengeshimine pa kuti tupusuke.+
Amafutunoti
^ Nelyo kuti yapilibula no kuti, “Mwe baikala pa kati ka”
^ E kutila, “Umumana wa Yufrate.”
^ Nelyo “umusambo.”
^ Mu ciHebere, “pa mulandu wa bukali bwa cinso cenu.”
