Amalumbo 84:1-12
Ku mukalamba wa bakemba ba pali Gititi.* Ulwimbo lwa bana ba kwa Kora.+
84 Itenti lyenu ilya mushilo kabili ilya lulumbi nalilitemwa nga nshi,+Mwe Yehova wa mabumba!
2 Umweo wandi onse wafulukisha imansa sha kwa Yehova.+Umutima wandi no mubili wandiFilasekelela ilyo fileimbila Lesa wa mweo.
3 Nangu fye cuni calisanga apa kwikala mwi tenti lyenu,Na kamimbi kalipangamo icinsa,Umo kasungila abana ba kako,Mupepi ne ciipailo cenu icikalamba, mwe Yehova wa mabumba,Mwe Mfumu yandi kabili Lesa wandi!
4 Ba nsansa abekala mu ng’anda yenu!+
Balatwalilila ukumulumbanya.+ (Selah)
5 Ba nsansa abo mupeela amaka,+Abo imitima yabo ifwaisha ukwenda mu nshila shaya ku ng’anda yenu.
6 Nga balepita mu mupokapoka wa bakha,*Bomfwa fye kwati balepita mu cifulo umwaba utumfukumfuku,Ne mfula ya mu kubangilila ilafwika uyo umupokapoka amapaalo.*
7 Bakalakwatilako fye amaka ilyo bale-enda;+Basuka bonse bamonekela pa cinso ca kwa Lesa mu Sione.
8 Mwe Yehova Lesa wa mabumba, umfweni ipepo lyandi;Kutikeni mwe Lesa wa kwa Yakobo. (Selah)
9 Moneni mwe nkwela yesu+ kabili Lesa wesu,*Lolesheni icinso ca muntu uo mwasuba.+
10 Pantu ukuba mu mansa shenu ubushiku bumo kwawama ukucila ukwikala kumbi inshiku 1,000.+
Nasala ukwiminina pa mwinshi wa ng’anda ya kwa Lesa wandiUkucila ukulaikala mu matenti ya babifi.
11 Pantu Yehova Lesa, kasuba+ kabili ni nkwela;+Alaba ne cikuuku ku bantu kabili alabacindamika.
Yehova takatane aba kaele icisuma.+
12 Mwe Yehova wa mabumba,Wa nsansa umuntu uumucetekela.+
Amafutunoti
^ Nelyo kuti yapilibula no kuti, “Kabili kasambilisha aifimba amapaalo.”
^ Nelyo “umupokapoka umwaba ifimpusa fya bakha.”
^ Nelyo kuti yapilibula no kuti, “Lolesheni inkwela yesu mwe Lesa.”
