Amalumbo 88:1-18
Ulwimbo lwa bana ba kwa Kora.+ Ku mukalamba wa bakemba; mu mimbile ya Mahalati,* ulwimbo lwa kupokeleshanya. Maskili* ya kwa Hemani+ umwina Esera.
88 Mwe Yehova Lesa mwe bampususha,+Akasuba ndilila kuli imwe,Kabili ubushiku njisa pa cinso cenu.+
2 Lekeni ipepo lyandi lise kuli imwe,+Umfweni* ifyo ndelilila kuli imwe ukuti mungafwe.+
3 Pantu umweo* wandi naucula nga nshi,+Kabili ubumi bwandi buli mupepi sana ne Nshiishi.*+
4 Bampendela pamo na baleya mu cilindi;*+Nshikwete uwa kungafwa,*+
5 Ndele pamo na bafwaNdi nga bantu abafwa abali mu nshiishi,Abo mushibukishaKabili abo mushisakamana.*
6 Mwambika mu cilindi icitali sana,Umwafiita, mu muyenge.
7 Ubukali bwenu nabumfinina,+Kabili amabimbi yenu aya maka nga nshi nayamfimba. (Selah)
8 Abo naishibana nabo mwalibatalusha kuli ine;+Mwalenga naba ica bunani kuli bena.
Nalisalilwa kabili te kuti mfume.
9 Amenso yandi nayanaka pa mulandu wa kuti ndacula.+
Ndilila kuli imwe mwe Yehova akasuba konse;+Njimisha amaboko kuli imwe.
10 Bushe kuti mwacitila abafwa ifipesha amano?
Bushe abafwa kuti baima, balamulumbanya?+ (Selah)
11 Bushe ukutemwa kwenu ukushipwa kuti bakubilisha mu nshiishi,Kabili bushe icishinka cenu kuti bacibilisha mu cifulo ifitumbi fibolela?*
12 Bushe ifipesha amano fyenu kuti fyaishibikwa mu mfifiNelyo bushe ubulungami bwenu kuti bwaishibikwa mu calo ca balabwa?+
13 Lelo ncili ndilila kuli imwe ukuti mungafwe mwe Yehova,+Cila lucelo ipepo lyandi liisa pa cinso cenu.+
14 Cinshi ico mwe Yehova munkaanina?*+
Cinshi ico mufishila icinso cenu kuli ine?+
15 Ukutula ku bwaice ndacula,Kabili ndi mupepi no kufwa;+Amaka yandi nayapwa pa mulandu wa kuti mwalileka ifyabipa filencitikila.
16 Ubukali bwenu ububilima ngo mulilo nabumpwisha amaka;+Ifya kutiinya fyenu nafilenga mbe mupepi no kufwa.
17 Fyanshinguluka nga menshi akasuba konse;Fyaisa pali ine ukufuma konse konse.*
18 Mwalitalusha kuli ine ifibusa fyandi na bantu bambi abo natemwa;+Imfifi nomba e munandi.
Amafutunoti
^ Nelyo “Kontameni no kukutika.”
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo “Ndi kwati muntu uushikwete amaka.”
^ Nelyo “inshiishi.”
^ Mu ciHebere, “abo ukuboko kwenu kushisakamana.”
^ Nelyo “mu Abadone.”
^ Nelyo “mukanina umweo wandi.”
^ Nelyo kuti yapilibula no kuti, “Fyaishila pamo.”
