Amalumbo 9:1-20
Ku mukalamba wa bakemba ba pali Muti-labene.* Ulwimbo lwa kwa Davidi.
א [Aleph]
9 Nkamulumbanya mwe Yehova no mutima wandi onse;Nkalenga abantu bakeshibe imilimo yenu iisuma yonse.+
2 Nkasekelela no kwanga pa mulandu wenu;Nkemba inyimbo sha kulumbanya* ishina lyenu, mwe Bapulamo.+
ב [Beth]
3 Ilyo abalwani bandi bakamfulumuka,+Mukalenga bakaipunune no kuloba.
4 Pantu mulandubulwilako pa kuti bemfyenga;Mwikala pa cipuna cenu ica bufumu ilyo mulepingula mu bulungami.+
ג [Gimel]
5 Mwalikalipila inko,+ kabili mwalilofya ababifi,Takwakabe uukebukisha amashina yabo umuyayaya.
6 Abalwani mwalibonaula umuyayaya,Mwalyonaula ne misumba yabo,Kabili takwakabe uukabebukisha.+
ה [He]
7 Lelo Yehova aikala pa cipuna ca bufumu umuyayaya;+Alateka kabili apingwila mu bulungami.+
8 Akapingula aba pano isonde mu bulungami;+Akaba no mulinganya ilyo akalapingula inko.+
ו [Waw]
9 Yehova akaba icubo* kuli bonse abo bacusha,+Akaba icubo mu nshita ya mafya.+
10 Abaishiba ishina lyenu bakamucetekela,+Tamwakatale amusha abamufwaya mwe Yehova.+
ז [Zayin]
11 Imbileni Yehova uwikala mu Sione inyimbo sha kumulumbanya;Lekeni abantu beshibe imilimo yakwe.+
12 Pantu uulandwilako abo bepaya takabalabe;+Takalabe ifyo abo bacusha bapunda mutuule.+
ח [Heth]
13 Ng’umfwileni uluse mwe Yehova; moneni ifyo abampata balencusha,Mwe bamfumya mu mpongolo sha mfwa,+
14 Pa kuti nsabankanye imilimo yenu iya lulumbi mu mpongolo sha mwana mwanakashi Sione+Kabili nsansamuke pa mulandu wa kuti namumpususha.+
ט [Teth]
15 Inko nashiponena mu cilindi ico shaimbile;Amakasa ya shiko nayekatwa mwi sumbu shateyele.+
16 Yehova eshibikilwa ku fyo apingula.+
Umubifi naikatwa mu citeyo ico ateyele.+
Higayone.* (Selah)
י [Yod]
17 Ababifi bakaya ku Nshiishi,*Uko inko shonse ishalaba Lesa shikaya.
18 Lelo Lesa takalabe abapiina umuyayaya;+Kabili ifyo abafuuka basubila fikafikilishiwa.+
כ [Kaph]
19 Imeni mwe Yehova! Mwileka umuntu umwina kufwa acimfye.
Pinguleni inko ukulingana ne fyo shicita.+
20 Shilengeni shibe no mwenso, mwe Yehova,+Lekeni abantu ba mu nko beshibe ukuti bena kufwa fye. (Selah)
Amafutunoti
^ Nelyo “nkashika inyimbo.”
^ Nelyo “ulupili lwa kubutukilako pa kuti umuntu acingililwe.”
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
