Amalumbo 92:1-15
Ilumbo. Ulwimbo lwa pe Sabata.
92 Cisuma ukumutootela mwe Yehova+No kwimbila ishina lyenu amalumbo,* mwe Bapulamo.
2 Cisuma ukubila pa kutemwa kwenu ukushipwa mu nshita+ ya luceloNo kubila pa cishinka cenu mu nshita ya bushiku,
3 Nkamulumbanya ninshi ndelisha icilimba ca nsale 10 ne cilimba cimbi ica nsale,Kabili ninshi ndelisha insango.+
4 Ndesekelela pa mulandu wa fyo mwacita mwe Yehova;Pa mulandu wa milimo yenu, ndemulumbanya ninshi ninsansamuka.
5 Imilimo yenu mwe Yehova ikalamba icine cine!+
Amatontonkanyo yenu yalishika nga nshi!+
6 Uwabulwa amano te kuti eshibe amatontonkanyo yenu ne milimo yenu,Kabili umuwelewele te kuti eshibe ifi:+
7 Nangu ababifi bengamena nge caniNe fintu file-endela bwino bonse abacita ifyabipa,Bakabalofya umuyayaya.+
8 Lelo imwe mwe Yehova mwalicindama umuyayaya.
9 Mwe Yehova, moneni ifyo mwacimfya abalwani benu,Moneni ifyo abalwani benu bakaloba;Bonse abacita ifyabipa mukabasalanganya.+
10 Lelo mukalenga nkakwatileko amaka,* yakabe kwati ya mboo;Nkasuba amafuta ayasuma.+
11 Nkamonako uko abalwani bandi bakabacimfya;+Amatwi yandi yakomfwa uko ababifi abansansa bakawa.
12 Abalungama bakalelema no kutwala ifisabo nga kancinduKabili bakakula ngo mukedari wa mu Lebanone.+
13 Babalimba mu ng’anda ya kwa Yehova;Balalelema no kutwala ifisabo mu mansa sha ng’anda ya kwa Lesa wesu.+
14 Na lintu bakakota* bakalalelema;+Bakatwalilila ukulelema no kuba na maka,*+
15 Kabili bakatwalilila ukubilisha ukuti Yehova alilungama.
Cilibwe candi,+ kabili talufyanya.
Amafutunoti
^ Nelyo “ukushikila ishina lyenu inyimbo.”
^ Mu ciHebere, “mukemya ulusengo lwandi.”
^ Nelyo “Na lintu bakakwata imfwi.”
^ Mu ciHebere, “no kuba na mafuta.”
