Amalumbo 94:1-23
94 Mwe Yehova, Lesa uulandula+ ababifi,Mwe Lesa uulandula ababifi, bengeshimeni!
2 Imeni mwe Kapingula wa pano isonde.+
Kandeni aba matutumuko pa fyo bacita.+
3 Ni lilali mwe Yehova,Ni lilali ababifi bakaleka ukusamwa?+
4 Balanda fye icilandelande kabili cilumba cilumba;Bonse abacita ifyabipa balaitakisha.
5 Balashonaula abantu benu mwe Yehova,+Kabili balacusha ubupyani bwenu.
6 Balepaya mukamfwilwa no wafuma ku calo cimbi,Balepaya na bana abashakwata bashibo.
7 Balanda abati: “Jah tamona;+Lesa wa kwa Yakobo teshiba ificitika.”+
8 Ishibeni ici mwe bashaba na mano;Mwe bawelewele, ni lilali mukaba na mano?+
9 Bushe uwapangile* amatwi, kuti afilwa ukumfwa?
Bushe uwapangile amenso, kuti afilwa ukumona?+
10 Bushe uulungika inko, kuti afilwa ukubalungika?+
E usambilisha abantu!+
11 Yehova alishiba ifyo abantu batontonkanya,Alishiba ukuti fyaba fye ngo mupu.+
12 Wa nsansa umuntu uo mulungika mwe Jah,+Uo musambilisha amafunde yenu,+
13 Pa kuti akabe no mutende mu nshita ya mafya,Mpaka ababifi bakabembile icilindi.+
14 Pantu Yehova takalekeleshe abantu bakwe,+Kabili takashe ubupyani bwakwe.+
15 Pantu ubupingushi bukaba ubwalungama na kabili,Kabili bonse ababa ne mitima iyalungama bakalabukonka.
16 Nani akancingilila ku babifi?
Nani akangafwa pa kuti nkacimfye abacita ifyabipa?
17 Yehova nga taleengafwa,Nga kushele fye panono ukuti imfwe.*+
18 Ilyo natile: “Ulukasa lwandi luleshelemuka,”
Ukutemwa kwenu ukushipwa mwe Yehova kwalentungilila.+
19 Ilyo nasakamikwe sana,*Mwalinsansamwishe no kuntalalika umutima.*+
20 Bushe kuti mwalaumfwana ne ntungulushi ishabipaIshibomfya amafunde*+ pa kucusha abantu?
21 Shilasansa uwalungama*+Kabili shilapingula uwa kaele ukuti afwe.*+
22 Lelo Yehova akaba icubo candi,*Lesa wandi cilibwe umo nguba.+
23 Akalenga ifyabipa ifyo bacita fikese pali bena.+
Akabepaila ku* fyabipa ifyo bacita.
Yehova Lesa wesu akabepaya.*+
Amafutunoti
^ Mu ciHebere, “uwalimbile.”
^ Mu ciHebere, “ukuti njikale tondolo.”
^ Nelyo “amatontonkanyo ya kusakamika yafulile muli ine.”
^ Nelyo “Ukusansamusha kwenu kwalitalalike umweo wandi.”
^ Nelyo “ifipope.”
^ Mu ciHebere, “Kabili shilapeela umulopa wa wa kaele umulandu (shitila ubifi).”
^ Nelyo “umweo wa walungama.”
^ Nelyo “ulupili lwandi ulwa kubutukilako pa kuti ncingililwe.”
^ Mu ciHebere, “Akabatalalikila ku.”
^ Mu ciHebere, “akabatalalika.”
