Amalumbo 99:1-9
99 Yehova naba Imfumu.+ Abantu bonse nabatutume.
Ekala pa cipuna cakwe ica bufumu icaba pa muulu wa bakerubi.*+ Isonde nalitente.
2 Yehova mukulu mu Sione,Kabili alicila sana abantu bonse.+
3 Nabalumbanye ishina lyenu ilikalamba,+Pantu lya kutiinya kabili lya mushilo.
4 Ni mfumu ya maka kabili iyatemwa umulinganya.+
Lyonse mulacita icalungama.
Mwalilenga muli Yakobo mwaba umulinganya+ no bulungami.
5 Cindamikeni Yehova Lesa wesu+ kabili kontameni* pa ntanshi ya cipuna ca makasa yakwe;+Wa mushilo.+
6 Mose na Aarone bali pali bashimapepo bakwe,+Na Samwele ali pa balelilila kwi shina lyakwe.+
Balelilila kuli Yehova,Na o alebaasuka.+
7 Alelanda nabo mu ntumba ye kumbi.+
Balekonka ifyo alebebukishako ne fipope ifyo abapeele.+
8 Mwe Yehova Lesa wesu, mwalibaswike.+
Mwalebeleela,+Lelo mwalibakandile* pa membu balecita.+
9 Cindamikeni Yehova Lesa wesu+Kabili kontameni* pa ntanshi ya lupili lwakwe ulwa mushilo,+Pantu Yehova Lesa wesu wa mushilo.+
Amafutunoti
^ Nelyo kuti yapilibula no kuti, “pa kati ka bakerubi.”
^ Nelyo “mupepeni.”
^ Mu ciHebere, “mwalilandwile.”
^ Nelyo “mupepeni.”
