Amapinda 23:1-35
23 Ilyo waikala pa kuti ulye ne mfumu,Ulingile ukuilama;
2 Nga ulaliisha*Ulingile ukubika umwele pa mukoshi obe.*
3 Wilafwaisha ukulya ifya kulya fya iko ifisuma,Pa kuti fikwikata nge citeyo.
4 Wilacululuka pa kuti unonke ifyuma.+
Leka ukucululuka kabili langa ukuti uleluka.*
5 Nga walolesha apo icuma caba, tacakabepo.+Pantu nangu cibe shani cikamena amapindo nga kapumpe, kabili cikapupuka cikaye.+
6 Wilalya ifya kulya fya muntu wa kaso,*Wilafwaisha ukulya ifya kulya fyakwe ifisuma.
7 Pantu alalolekesha fyonse ifyo ulelya.*
Alakweba ati, “Akulya no kunwa,” lelo ifyo alanda tafifuma panshi ya mutima wakwe.*
8 Ifyo uliile ulefilukaKabili na mashiwi ayasuma ayo ulandile, onawile fye.
9 Wilandila mu matwi ya muwelewele,+Pantu akasuula amashiwi ya mano ayo wamweba.+
10 Wilasesha umupaka wa kale+Kabili wilaingila mu mpanga ya bashakwata bashibo.
11 Pantu uubacingilila* alikwata amaka;Akabalubulwilako.+
12 Bika umutima obe ku kusalapulaNa matwi yobe ku mashiwi ya mano.
13 Wilafilwa ukusalapula umulumendo.*+
Nga wamulopola, te kuti afwe.
14 Ulemuuma no bwembya,Pa kuti umupokolole* ku Nshiishi.*
15 We mwana wandi, umutima obe nga waba na mano,Lyena umutima wandi ukasekelela.+
16 Nkasekelela nga nshi mu kati sana aka mubili wandi*Ilyo imilomo yobe ikalanda ifyalungama.
17 Wileka umutima obe ulekumbwa abacita ifyabipa,+Lelo uletiina Yehova akasuba konse.+
18 Pantu e lyo ifintu fikakuwamina ku ntanshi+Kabili ifyo usubila fikacitika.
19 Umfwa we mwana wandi, kabili ube na mano,Tungulula umutima obe mu nshila yalungama.
20 Wiba pa banwesha umwangashi,+Na pa balya inama ukucila mu cipimo.+
21 Pantu cakolwa no muliili bakaba abapiina.+Balitemwa ukulaala sana kabili bakasapula.
22 Uleumfwa kuli bawiso abakufyele,Kabili taufwile ukusuula banoko pa mulandu fye wa kuti nabakota.+
23 Shita icine kabili wicishitisha,+Shita* amano, ukusalapula, e lyo no kwiluka.+
24 Wishi wa walungama nangu cibe shani akasekelela;Na onse uwafyala uwa mano akasansamuka, pantu umwana wakwe wa mano.
25 Bawiso na banoko bakasekelela,Kabili banoko abakufyele bakasansamuka.
26 We mwana wandi, bika umutima obe kuli ine,Kabili ulesekelela ilyo ule-enda mu nshila shandi.+
27 Pantu cilende aba nge cilindi icitali,No mwanakashi uwaba ne mibele yabipa,* aba nge cishima icinono mu bufumo.+
28 Alabelamina nge cipondo;+Alenga abaume abengi bapondoka.
29 Nani uulecula? Nani uusakamikwe?
Nani uuleumana na bantu? Nani uuleilishanya?
Nani uuli ne filonda apabula umulandu? Nani uuli na menso ayalemoneka kwati ali no tulo?*
30 Bantu abapoosa inshita iikalamba balenwa umwangashi,+Abaya balefwaya* umwangashi uukali.
31 Wilalolesha ukukashika kwa mwangashiIlyo ulebengeshima muli kapu kabili ilyo ulepita pa mukoshi wa ulenwa.
32 Pantu usuma nge nsoka,Kabili ufumya ubusungu nge fwafwa.
33 Amenso yobe yakamona ifyo ushamonapo,Kabili umutima obe ukalanda ifyabipa.+
34 Kabili ukaba ngo uleele pa kati ka bemba,Ukaba ngo uleele pa muulu wa co bakakako amatanga ya bwato.
35 Kabili ukalanda ati: “Bacinguma, lelo nshacumfwa.*
Bacimpuma, lelo nshacishiba.
Ni lilali nalabuuka?+
Ndefwaya ukunwa na umbi.”*
Amafutunoti
^ Nelyo “Nga wakwata umweo uufwaisha ifingi.”
^ Nelyo “Ulingile ukuilama.”
^ Nelyo kuti yapilibula no kuti, “leka ukushintilila pa mano yobe.”
^ Nelyo “umuntu uwakwata ilinso ilibi.”
^ Nelyo “alapenda fyonse ifyo ulelya, mu mutima wakwe.”
^ Mu ciHebere, “umutima wakwe tauli na iwe.”
^ Mu ciHebere, “Kalubula wabo.”
^ Nelyo “umwana; umwaice.”
^ Nelyo “Pa kuti upokolole umweo wakwe.”
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibolo ne fyo Yapilibula.
^ Mu ciHebere, “Imfyo shandi shikasekelela.”
^ Nelyo “Nonka.”
^ Mu ciHebere, “umwanakashi umweni.” Moneni Amapinda 2:16.
^ Nelyo “ayakashika.”
^ Nelyo “Abalongana pamo pa kuti bomfwe umwangashi uukali.”
^ Nelyo “nshacumfwa ubukali.”
^ Nelyo “Ndeufwaya na kabili.”
