Amapinda 24:1-34
24 Wilakumbwa abacita ifyabipa,Kabili wilafwaisha ukuba pamo nabo.+
2 Pantu imitima yabo itontonkanya sana pa kucita ubunkalwe,Kabili imilomo yabo ilanda pa kucita ifyabipa.
3 Amano e yalenga ukuti ing’anda ikuulwe,*+Kabili ukwiluka e kulenga ukuti ikose.
4 Ukwishiba e kulenga ukuti mu miputule ya ikoMube ifyuma ifyalekanalekana ifya mutengo kabili ifisuma.+
5 Umuntu wa mano wa maka,+Kabili ukwishiba kulalenga akwatilako amaka.
6 Nga mulekonka ifya mano ifyo balemweba* mukalwa inkondo,+Kabili ukuli aba kupanda amano abengi, abantu balacimfya.*+
7 Umuwelewele te kuti abe na mano ya cine;+Takwata ica kulanda nangu cimo mu mpongolo ya musumba.
8 Onse uupanga ukucita ifyabipa,Bakamwita ukuti uwaishibisha ukupanga amapange yabipa.+
9 Amapange ya buwelewele* lubembu,Kabili abantu balapata sana uupumya.+
10 Nga wafuupuka mu bushiku bwa bucushi,*Amaka yobe yakacepa.
11 Ulepususha abo baletwala mu kwipaya;Kabili uleafwilisha abo balefwaya ukwipaya.+
12 Nga watila, “Tatwaishibe ifyalecitika,”
Bushe uuceeceeta imitima* takeluke?+
Uumona ifyo ulecita* akeshiba,Kabili akalambula umuntu ukulingana ne fyo acita.+
13 We mwana wandi ulelya ubuci, pantu busuma;Uluto lwa buci lulalowa mu kanwa.
14 E fyo caba na ku mano, wishibe ukuti amano yasuma kuli iwe.*+
Nga wayasanga, ifintu fikakuwamina ku ntanshiKabili ifyo usubila fikacitika.+
15 Wilabelamina uwalungama mupepi ne ng’anda yakwe pa kuti umucite ifyabipa;Wilaonaula icifulo cakwe apo atuushisha.
16 Pantu uwalungama kuti awa imiku 7, lelo kuti aima na kabili,+Nomba ababifi nga baponenwa no bucushi, balawililila.+
17 Umulwani obe nga awa, taufwile ukusekelela;Kabili nga aipununa, umutima obe taufwile ukusansamuka.+
18 Pantu Yehova akamona kabili takomfwe bwino,Kabili akaleka ukufulilwa umulwani obe.+
19 Wilafulwa pa mulandu wa bacita ifyabipa;Wilakumbwa ababifi,
20 Pantu ku ntanshi ifintu tafyakawamine abacita ifyabipa;+Inyali ya bacita ifyabipa bakaishimya.+
21 We mwana wandi, uletiina Yehova ne mfumu.+
Kabili wilaba pamo na bacipondoka.*+
22 Pantu ubucushi bukesa pali bena mu kupumikisha,+
Nani uukeshiba ubucushi ubo bakabaletela?*+
23 Aya mashiwi nayo ya ba mano:
Ukuba na kapaatulula pa kupingula takwawama.+
24 Uweba umubifi ati, “Walilungama,”+
Abantu bakamutipwila, ne nko shikamukaana.
25 Lelo abamulungika, ifintu fikabawamina;+Bakapaalwa nga nshi.+
26 Abantu bakatomona imilomo ya wasuka mu bufumacumi.*+
27 Bomba imilimo yobe iya mu mpanga, ulime ne bala;Lyena ukuule ing’anda yobe.*
28 Wilashinina umunobe nga tawishibe ifishinka.+
Wilabomfya imilomo yobe ukulandilako ifingalufya abantu.+
29 Wilalanda ati: “Filya fine ancitile, e fyo na ine nkamucita;Nkalandula pa fyo acitile.”+
30 Napitile pe bala lya munang’ani,+Pe bala lya myangashi ilya muntu uushakwata amano.*
31 Namwene ukuti mwalimena ifyani ifingi;Mwaiswile kaenya,Kabili icibumba ca liko ica mabwe calibongolweke.+
32 Ilyo namwene ifi, nalitontonkenyepo sana;Nalimwene kabili ifi e fyo nasambilileko:*
33 Nga watila ndaaleko panono, nshipuleko panono,Njikumbateko panono pa kuti ntuusheko,
34 Lyena ubupiina bukesa pali iwe nge cipondo,Kabili ukubulwa kukesa pali iwe ngo muntu uuipangeshe ne fyanso.+
Amafutunoti
^ Nelyo “e yalenga ukuti aba mu ng’anda bakose.”
^ Nelyo “ubutungulushi bwa mano.”
^ Nelyo “ifintu filenda bwino; abantu balapusuka.”
^ Nelyo “Amapange ya muwelewele.”
^ Nelyo “mu nshita ya mafya.”
^ Nelyo “ifilenga abantu bacita fimo.”
^ Nelyo “Uumona ifyo umweo obe ulecita.”
^ Nelyo “yalilowa ku mweo obe.”
^ Nelyo “abafwaya ukwalula ifintu.”
^ E kutila, ubo Yehova ne mfumu bakaleta pali bena.
^ Nelyo kuti yapilibula no kuti, “ukwasuka ukwabula ukupita mu mbali kwaba ngo kutomona.”
^ Nelyo “aba mu ng’anda yobe.”
^ Nelyo “uwakwata umutima uufwaya ifyabipa.”
^ Mu ciHebere, “bansalapwile.”
