Amapinda 25:1-28
25 Aya nayo, mapinda ya kwa Solomone+ ayo ababomfi ba kwa Hisekia+ imfumu ya Yuda bakopolwele no kuyabika pamo:
2 Lesa balamupeela ubukata pa mulandu wa kusunga inkaama,+Ne mfumu balashipeela ubukata nga shaishiba bwino umulandu.
3 Nga filya imyulu yasansama, na filya isonde lyashika,E fyo ne mitima ya mfumu yaba, takuli uwingaishiba bwino.
4 Fumya munyela kuli silfere,Kabili silfere ikaba iyalopololwa bwino.+
5 Fumya umubifi apali imfumu,Kabili icipuna ca iko ica bufumu cikakosa pa mulandu wa kucita ifyalungama.+
6 Wilaicindamika pa ntanshi ya mfumu,+Kabili wilaikala apo bashimucindikwa bekele.+
7 Pantu cawamapo yena e yakweba ati, “Isa wikale pano,”
Ukucila yakuseebanishisha pa menso ya kwa shimucindikwa.+
8 Wila-angufyanya ukutwala umulandu ku cilye,Pantu kuti wacita shani nga ca kuti pa numa umunobe akuseebanya?+
9 Nga wapusana no munobe mulepwisha umulandu ninshi muli fye babili,+Lelo wilasokolola ifya nkaama ifyo bakwebele,*+
10 Pa kuti uuleumfwako e kuseebanya,Kabili ilyashi ilibi ilyo usalangenye te kuti ulicilikile.
11 Nga filya ama-apele ayo bapangila na golde yamoneka bwino mu mbale sha silfere,E fyo na mashiwi ayo balanda pa nshita yalefwaikwa yaba.+
12 Nga filya isikiyo lya ku kutwi ilya golde ne cibekobeko ca golde iisuma fyabaE fyo no kulungika kwa wa mano kwaba ku kutwi kwa umfwa.+
13 Nga filya imfula ya bungululu bwa buuta italala pa bushiku bwa kusombolaE fiba ne nkombe ya cishinka ku baituma,Pantu ilatalalika umutima wa kwa shikulu wa iko.*+
14 Nga filya fine amakumbi no mwela ifishileta imfula fyaba,E fyaba no muntu uuitakishisha pa bupe ubo ashapeela.*+
15 Umuntu nga natekanya kuti anasha umukalamba wa ncito,Kabili ululimi ulwanakilila kuti lwatoba ifupa.+
16 Nga wasanga ubuci ufwile ukulya fye ubunono,Pantu nga walya ubwingi kuti waluka.+
17 Wilaya libili libili ku ng’anda ya munobe,Pa kuti e kutendwa kabili e kupata.
18 Nga filya icanso ca kulwilako inkondo no lupanga no mufwi uwatwa fyaba,E fyo na kambone uulanda ifya bufi pa munankwe aba.+
19 Ukucetekela umuntu uushacetekelwa* mu nshita ya mafyaKwaba ngo kucetekela ilino ilyakomboka nelyo ulukasa ulwalemana.
20 Ukwimbila umuntu uuli no bulanda+ inyimboKwaba ngo kufuula ica kufwala ilyo kuli impepo,Kabili kwaba ngo kubika soda* mu mwangashi uwakantuka.
21 Umulwani obe* nga ali ne nsala, umupeele ifya kulya;Nga ali ne cilaka, umupeele amenshi ya kunwa.+
22 Pantu ninshi ukalatuulika amalasha ayaleaka pa mutwe wakwe,*+Kabili Yehova akakulambula.
23 Umwela wa ku kapinda ka ku kuso uleta imfula iikalamba,No lulimi lwa lwambo lulenga umuntu afulwa.+
24 Cawamapo ukwikala pa koona pa mutengeUkucila ukwikala mu ng’anda imo ine no mukashi uwatemwa ukuumana.+
25 Ilyashi ilisuma ilyafuma ku calo ca kutali+Lyaba nga menshi ayatalala ku mweo* uunakile.
26 Uwalungama uucita ifyo umubifi alefwaya* pa mulandu wa kumutiina,Aba nga kamfukumfuku akaba pa matipa kabili nge cishima icafundaulwa.
27 Te cisuma ukulya ubuci ubwingi,+Kabili te cisuma umuntu ukulafwaya ukuti bamucindamike.+
28 Umuntu uushilama ubukali bwakwe,*+Aba ngo musumba we linga ilyo babongolola.
Amafutunoti
^ Nelyo “inkama sha bantu bambi.”
^ Nelyo “umweo wa kwa shikulu wa iko.”
^ Mu ciHebere, “ubupe bwa bufi.”
^ Nelyo kuti yapilibula no kuti, “uwa bucenjeshi.”
^ Nelyo “ifishikisa.”
^ Mu ciHebere, “Uwa kupata.”
^ E kutila, ukunasha umutima wa muntu nga filya banasha iceela nga bacibika mu mulilo.
^ Mu ciHebere, “uutalantanta pa ntanshi ya mubifi.”
^ Nelyo “uushilama umupashi wakwe.”