Amapinda 4:1-27
4 Mwe bana bandi, muleumfwa shinwe nga alemusalapula;+Mulebikako amano pa kuti muleiluka,
2 Pantu nalamusambilisha ifisuma;*Mwisuula ifyo nalamusambilisha.+
3 Nali umwana umusuma uwa kwa tata+Kabili nine mayo atemenwe sana.+
4 Alensambilisha kabili alenjeba ati: “Umutima obe ulesunga ifyo nkweba.+
Ulekonka amafunde yandi pa kuti ukekale inshiku ishingi.+
5 Nonka amano, nonka ukwiluka.+
Wilaba ifyo nkweba, kabili wilaleka ukufikonka.
6 Wisha amano, nayo yakakucingilila.
Uyatemwe, nayo yakakulinda.
7 Amano yalicindama sana,+ e ico nonka amano,Kabili pali fyonse ifyo wanonka, nonka ukwiluka.+
8 Uyacindamike sana, nayo yakalenga ukabe pa muulu.+
Yakakucindamika nga wayekatisha.+
9 Yakakufwika icisote ca maluba ayasuma ku mutwe;Yakakufwika icilongwe* icisuma.”
10 Umfwa we mwana wandi kabili ulebika amano ku fyo nkweba,Lyena ukekala imyaka iingi.+
11 Nkakutungulula mu nshila ya mano;+Nkalenga ukende mu nshila sha bulungami.+
12 Ilyo ule-enda takwakabe icikacilikila intampulo shobe;Kabili nga wabutuka tawakaipunune.
13 Uleikatisha ukusalapula; wilakulekelako.+
Ulekusunga, pantu e lyo ukatwalilila ukuba uwa mweo.+
14 Wilaenda mu nshila ya babifi,Kabili wilaenda mu nshila ya bacita ifyabipa.+
15 Wilaendamo;+Uleitaluka kabili uleipitilila.+
16 Pantu tabalaala nga tabacitilepo ifyabipa.
Balafufya utulo mpaka bawisha umuntu.
17 Balya ifya kulya fya bubifi,Kabili banwa umwangashi wa bunkalwe.
18 Lelo inshila ya balungama yaba ngo lubuuto lwa luceloUluya lulebuutilako fye mpaka akasuba kafika pa kati.+
19 Mu nshila ya babifi mwaliba imfifi;Tabeshiba icilenga baipunune.
20 We mwana wandi, ulebika amano ku mashiwi nanda;Ulekutikisha* nga ndelanda.
21 Wikaleka yakafume pa ntanshi yobe;Mu mutima obe e mo uleyasungila.+
22 Pantu abayasanga balaba no mweo+Kabili umubili wabo onse* ulaba no bumi busuma.
23 Pa fintu fyonse ifyo ucingilila, ulecingilila sana umutima obe,+Pantu mu mutima e mwaba utumfukumfuku twa mweo.
24 Wilalanda ifya bufi,+Kabili wilaleka ifya bucenjeshi filefuma mu kanwa kobe.
25 Amenso yobe yafwile ukulolesha ku ntanshi,Yatonte ku fili ku ntanshi.+
26 Ulefumya mu nshila fyonse ifyo amakasa yobe+ yengaipununako,*Kabili inshila shobe shonse shikacingililwa.
27 Wilayalukila ku kulyo nelyo ku kuso.+
Uletalusha amakasa yobe ku fyabipa.
Amafutunoti
^ Nelyo “amafunde yandi.”
^ Nelyo “icisote ca bufumu.”
^ Mu ciHebere, “Uleteyamika ukutwi kobe.”
^ Mu ciHebere, “iminofu yabo yonse.”
^ Nelyo kuti yapilibula no kuti, “Ulelolekesha apo amakasa yobe yalenyanta.”
