Amapinda 5:1-23
5 We mwana wandi, ulebika amano ku mashiwi ya mano ayo nanda.
Ulekutikisha* ifyo nkusambilisha pa kwiluka,+
2 Pa kuti uletontonkanya bwino pa fintuKabili imilomo yobe ilelinda ukwishiba.+
3 Pantu imilomo ya mwanakashi uushenda mu nshila iyalungama* yaba nge cipepe ca buci icitonya uluto,+Kabili akanwa kakwe kalitelela ukucila amafuta.+
4 Nomba mu kulekelesha aba nge cimenwa icalula+Kabili ngo lupanga ulwatwila kubili.+
5 Amakasa yakwe yatentemukila ku mfwa.
Intampulo shakwe shitwala ku Nshiishi.*
6 Tabika amano ku nshila ya ku mweo.
Apitana fye kabili teshiba uko aleya.
7 Nomba mwe bana bandi, umfweni ifyo ndemwebaKabili mwisuula ifyo ndelanda.
8 Taluka kuli ena;Kabili wipalama ku mwinshi wa ng’anda yakwe,+
9 Pa kuti abantu bekakusuula+Kabili wikacula inshiku shonse isho ukaba no mweo;+
10 Pa kuti abantu bambi bekasenda fyonse ifyo wakwata*+Ne fyo waculile fikaya mu ng’anda ya muntu umbi.
11 Pantu nga taucitile ifi, ukalila ilyo ukaba mupepi no kufwaIlyo umunofu obe no mubili obe fikonaika+
12 Kabili ukalanda ati: “Cinshi napatiile ukunsalapula?
Cinshi umutima wandi wasuulile ifyo balenungika?
13 Nshaleumfwa ifyo abalensambilisha balenjebaKabili nshabikile amano ku fyo balemfunda.
14 Ndi mupepi no konaulwaKabili ninseebana pa ntanshi ya bantu ba kwa Lesa.”*+
15 Ulenwa amenshi ya mu cishima cobeNayafuma pa kamfukumfuku kobe.+
16 Cinshi walalekela utumfukumfuku tobe tulefukaukila panse,Ne milonga yobe ileya mu mansa?+
17 Leka aya menshi yabe yobe weka,Teyakupeelako bambi.+
18 Leka akamfukumfuku* kobe kabe akapaalwa,Kabili sekelela pamo no mukashi uo waupile ninshi uli umulumendo,+
19 Uwaba nge nsebula iikota iyatemwikwa, icibushi mabwe+ icimoneka bwino.
Leka amabele yakwe yalekusekesha lyonse.
Icitemwiko cakwe nacilekusansamusha lyonse.+
20 E ico we mwana wandi, cinshi wingatemenwa umwanakashi uushenda mu nshila iyalungama*Kabili cinshi wingafukatilila icifuba ca mwanakashi uwaba ne mibele yabipa?*+
21 Pantu inshila sha muntu shaba pa ntanshi ya kwa Yehova;Alamona inshila shakwe shonse.+
22 Ifyabipa ifyo umubifi acita fikamwikata,Kabili akekatwa mu ntambo sha lubembu lwakwe.+
23 Akafwa pa mulandu wa kuti alakaana ukumusalapulaKabili akafuma mu nshila pa mulandu wa kuti muwelewele icine cine.
Amafutunoti
^ Mu ciHebere, “Uleteyamika ukutwi kobe.”
^ Mu ciHebere, “umwanakashi umbi umbi.” Moneni Amapinda 2:16.
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo “amaka.”
^ Nelyo “pa ntanshi ya lukuta.”
^ Nelyo “intulo ya menshi.”
^ Mu ciHebere, “umwanakashi umbi umbi.” Moneni Amapinda 2:16.
^ Mu ciHebere, “umwanakashi umweni.” Moneni Amapinda 2:16.
