Amose 4:1-13
4 “Umfweni amashiwi aya, mwe ng’ombe ishikota isha ku Bashani,Mwe baba pa lupili lwa Samaria,+Mwe bacenjesha abapiina+ no kubacusha,Mwe beba abalume* benu amuti, ‘Leteni ifya kuti tunwe!’
2 Apo Shikulu Mulopwe Yehova wa mushilo, nalapa ukuti,‘“Moneni! Inshiku shileisa ilyo nkamwimisha ku fya kukobelako,Na mwe bakashalapo nkamwimisha ku ndobo.
3 Umo icibumba catobeka e mo cila muntu bakamupushisha;Kabili bakamutamfisha ku Harmone,” e fyo Yehova alanda.’
4 ‘Iseni mucite ifyabipa ku Betele,+Mwise mucilenapo ukucita ifyabipa* ku Gilgali!+
Mulete amalambo yenu+ ulucelo,Kabili mulete ifya pe kumi+ pa bushiku bwalenga shitatu.
5 Tuuleni ilambo lya kutootela ilya mukate uwatutumuka+Bilisheni ukuti namutuula umutuulo wa kuitemenwa!
Pantu e fyo mwatemwa ukucita mwe bena Israele,’ e fyo Shikulu Mulopwe Yehova alanda.
6 ‘Kabili nalengele ameno yenu yabuuta pa mulandu wa kuti tamwakwete ifya kulya* mu misumba yenu yonse,Kabili mu mayanda yenu yonse tamwali ifya kulya;+Lelo tamwabwelele kuli ine,’+ e fyo Yehova alanda.
7 Nalimutanine ne mfula ilyo kwashele imyeshi itatu ukuti mutendeke ukusombola;+Naliloseshe imfula mu musumba umo, lelo mu musumba umbi nshaloseshemo.
Imfula yalilokele mu mpanga imo,Lelo mu mpanga imbi umushali imfula mwalyumine.
8 Abantu ba mu misumba ibili nelyo itatu baile baletalantanta ku musumba umo mu kunwa amenshi,+Nomba icilaka tacapwile;Lelo tamwabweleele kuli ine,’+ e fyo Yehova alanda.
9 ‘Nalengele ifilimwa fyenu fyapya ku cikabilila kabili fyalifufwime.+
Mwalilimine amabala ayengi na mabala aya myangashi,Lelo makanta yaliliile imiti yenu iya mikunyu ne ya miolife+Nomba tamwabweleele kuli ine,’+ e fyo Yehova alanda.
10 ‘Nalimutumiine icikuko nga cilya cali ku Egupti.+
Naipaile abalumendo benu+ ku lupanga kabili nalisendele bakabalwe benu.+
Nalengele mwaumfwa icena icanunka piipi icali mu nkambi shenu;+Lelo tamwabweleele kuli ine,’ e fyo Yehova alanda.
11 ‘Nalyonawile icalo cenu,Nga filya naonawile Sodomu na Gomora.+
Kabili mwaishileba ngo lukuni ulo basompola mu mulilo;Lelo tamwabweleele kuli ine,’+ e fyo Yehova alanda.
12 E ico ifi e fyo nkamucita mwe bena Israele.
Pa mulandu ne fi ifyo nkamucita,Ipekanyeni ukukumanya Lesa wenu mwe bena Israele.
13 Pantu moneni! E wabumbile impili+ kabili e walengele ukuti kube umwela;+Aleba umuntunse ifyo aletontonkanya,Alenga amacaca yaba imfifi,+Kabili anyantaula apasansuka;+Ishina lyakwe ni Yehova Lesa wa mabumba.”