Amose 5:1-27
5 “Umfweni amashiwi ayo ndelanda pali imwe mwe ba mu ng’anda ya kwa Israele ayali ngo lwimbo lwa bulanda:*
2 ‘Nacisungu, Israele, nawa;Te kuti eme na kabili.
Nabamulekelesha mu calo cakwe;Takuli no wa kumwimya.’
3 “Pantu Shikulu Mulopwe Yehova atila:
‘Pa ba mu ng’anda ya kwa Israele,+ mu musumba umufuma abantu 1,000, pa kuya ku nkondo, mukashala fye abantu 100;Kabili mu musumba umufuma abantu 100, mukashala fye abali 10.’
4 “Pantu Yehova aeba aba mu ng’anda ya kwa Israele ati:
‘Mfwayeni pa kuti mutwalilile ukuba no mweo.+
5 Mwikaya mu kulomba ubwafwilisho ku Betele,+Mwikaya ku Gilgali+ kabili mwikaya ku Beere-sheba,+Pantu abena Gilgali bakabasenda bunkole,+Kabili Betele tayakabeko.*
6 Fwayeni Yehova pa kuti mutwalilile ukuba no mweo,+Pa kuti ebilima ngo mulilo pa ng’anda ya kwa Yosefe,Na pa kuti e oca Betele ica kuti peba nangu umo uwa kushimya umulilo.
7 Musangula umulinganya waba nge cimenwa icalula,Kabili mupoosa ubulungami panshi.+
8 Uwabumbile ntanda sha Kima* ne ntanda sha Kesili,*+Uwalula imfifi iyafiitisha yaba ulucelo,Uulenga inshita ya kasuba yaba imfifi kwati bushiku,+Uwita amenshi ya muli bembaPa kuti ayapongolwele pe sonde+—Yehova e shina lyakwe.
9 Akalenga uwa maka bakamonaule,Kabili akalenga bakonaule imisumba iya malinga ayakosa.
10 Balipata bakapingula abakalipila abalufyenye pa mpongolo ya musumba,Kabili balipata abalanda icishinka.+
11 Apo mulasonkesha umupiina amabala,Kabili mulapoka umusonko*+ wakwe uwa ngano,Tamwakatwalilile ukwikala mu mayanda mwakuula aya mabwe ya kuseesa,+Kabili tamwakatwalilile ukunwa umwangashi uusuma uwa mu mabala yenu aya myangashi.+
12 Pantu nalishiba ifyo imilandu* mucita yafulaNe fyo imembu shenu shakulaMulacusha abalungama,Mulapoka amafisakanwa,*Kabili bakapingula ba pa mpongolo+ balekala pa nsambu sha bapiina.
13 E ico muli ilya nshita aba mano bakekala tondolo,Pantu ikaba ni nshita ya bucushi.+
14 Mulecita ifisuma, mwilacita ifyabipa,+Pa kuti mutwalilile ukuba aba mweo.+
Lyena Yehova Lesa wa mabumba akaba na imwe,Nge fi fine mulanda ukuti aba na imwe.+
15 Pateni ifyabipa, temweni ifisuma,+Lekeni pa mpongolo ya musumba paleba umulinganya.+
Nalimo Yehova Lesa wa mabumbaAkabelela uluse aba mu lupwa lwa kwa Yosefe abashalapo.’+
16 “E ico Yehova Lesa wa mabumba, Yehova, atila:
‘Abantu bakalaloosha mu mansa shonse,Na mu misebo yonse bakalalanda abati, “Iye! iye!”
Baketa na balimi mu kulooshaBaketa na baishiba ukuloosha ukuti bakesepumapo imisowa.’
17 Yehova atila, ‘na mu mabala ya myangashi monse mukaba abakalaloosha;+Pantu pa kumukanda nkapita umo mukaba.’
18 ‘We bulanda ku bafwaisha ukuti ubushiku bwa kwa Yehova bukafike!+
Bushe finshi fikamucitikila mu bushiku bwa kwa Yehova?+
Bukaba imfifi, te lubuuto iyo.+
19 Bukaba nga filya ciba ku muntu uwafulumuka inkalamo, e lyo akumana na bere,Kabili cilya aingila mu ng’anda ashintilisha no kuboko ku cibumba, insoka yamusuma.
20 Ilyo ubushiku bwa kwa Yehova bukesa, kukaba imfifi, te lubuuto iyo;Kabili kukafiita fititi, takwakabe ulubuuto.
21 Nalipata imitebeto yenu+ kabili nshi-ifwaya,Nshi-ipakisha icena ca mituulo iyo moca nga mulelongana ukulongana ukwacindamisha.
22 Nangu mwantuula imituulo ya koca ne mituulo imbi,Nshakapokelele;+Nshakapokelele na malambo yenu aya mutende aya nama ishaina.+
23 Nshilefwaya ukumfwa icongo ca nyimbo shenu;Kabili nshilefwaya ukumfwa inyimbo isho mulisha pa filimba fyenu ifya nsale.+
24 Lekeni umulinganya ulekonkoloka nga menshi,+No bulungami ngo mulonga uupita lyonse.
25 Mwe ba mu ng’anda ya kwa Israele,Bushe ilyo mwali mu matololo pa myaka 40, mwalendetela amalambo no kuntuula imituulo?+
26 Mufwile ukusenda Sakuti imfumu yenu na Kaibani,*Mulingile ukusenda ne fimpashanya fyenu ifyo mwaipangiile, ifimininako ulutanda ulo mupepa.
27 Nkamulenga bakamusende bunkole ukutali ukucila ku Damaseke,’+ ifi e fyo Lesa wa mabumba+ alanda uo ishina lyakwe ni Yehova.”
Amafutunoti
^ Nelyo “ulwimbo lwa kuloosha.”
^ Nelyo kuti yapilibula no kuti “ikaba fye cimbi cimbi.”
^ Nalimo ni ntanda sha Orione.
^ Nalimo ni ntanda sha Taurusi.
^ Nelyo “umusonko wa mpanga.”
^ Nelyo “balamubosha.”
^ Nelyo “ifyo mwapondweke.”
^ Ifi ifipanshanya fyonse fibili nalimo fyaleimininako planeti beta ukuti Saturni iyali kalesa ako balepepa.
