Esaya 11:1-16
11 Aka musambo+ kakamena ku cishiki ca kwa Yese,+Kabili akamuti+ akakamena ku mishila yakwe kakatwala ifisabo.
2 Kabili umupashi wa kwa Yehova ukaba pali ena,+Umupashi wa mano+ kabili uwa kwiluka,Umupashi wa kupanda amano kabili uwa maka,+Umupashi wa kwishiba kabili uwa kutiina Yehova.
3 Kabili mu kutiina Yehova+ e mo akalasekelela.
Takalepingula ukulingana ne fyo akalamona fye,Nelyo ukulungika umuntu ukulingana ne fyo amatwi yakwe yakalaumfwa.+
4 Akaba no mulinganya* pa kupingula abashakwata ba kubafwa,Kabili akalungika abantu mu bulungami pa kuti ifintu fikawamine abafuuka aba pe sonde.
Akoma isonde ku mashiwi ya mu kanwa+ kakwe ayaba nge nkontoKabili akepaila ababifi ku mupu* wa milomo+ yakwe.
5 Ubulungami bukaba mushipi wa mu musana wakwe,Ne cishinka cikaba mushipi wa mu ntungu+ shakwe.
6 Umumbulu na kana ka mpaanga+ fikekala pamo pa nshita imo,Kabili akana ka mbushi ne mbwili fikalaala pamo,No mwana wa ng’ombe ne nkalamo* ne nama iyaina fikaba pamo;*+Kabili umwaice e ukalaficema.
7 Ing’ombe na bere fikaliila pamo,Na bana ba fiko bakalaala pamo.
Inkalamo ikalya icani nge ng’ombe.+
8 Umwana uonka akangala pa bwendo bwa nsoka ya busungu sana;*Kabili umwana uo basumuna akabika ukuboko kwakwe pa bwendo bwa nsoka ya busungu.
9 Tafyakacite ububi+Nangu ukuleta ubonaushi mu lupili+ lwandi ulwa mushilo monse,Pantu mwi sonde mukesula ukwishiba YehovaNga filya amenshi yaisula muli bemba.+
10 Muli bulya bushiku, umushila wa kwa Yese+ ukeminina nge cishibilo ca nko.+
Kuli ena e ko inko shikaya pa kuti ashipandeko amano,*+Kabili icifulo cakwe ica kutuushishapo cikacindama.
11 Muli bulya bushiku Yehova akatambika ukuboko kwakwe pa muku walenga bubili, pa kuti abweshe abantu bakwe abashalapo ukufuma ku Asiria,+ ku Egupti,+ ku Patrose,+ ku Kushi,+ ku Elamu,+ ku Shinari,* ku Hamati na ku fishi fya pali bemba.+
12 Akemisha inko icishibilo kabili akalonganika abena Israele+ abo bapasa, na baYuda abasalanganina ku mpela 4 ishe sonde,+ akabalonganika.
13 Umufimbila wa kwa Efraimu ukapwa,+Kabili bonse abacusha Yuda bakabepaya.
Efraimu takalefimbila Yuda,Kabili Yuda na o takalecusha Efraimu.+
14 Kabili bwangu bwangu bakatentemukila* ku masamba ya mpili sha mu calo ca baPelishiti;Bakaba pamo pa kupokolola abena Kabanga ifipe.
Bakatambalika ukuboko kwabo pa* bena Edomu+ na bena Moabu,+Kabili bakalateka+ abena Amone.
15 Yehova akaakanya* ulubali* lwa bemba+ wa ku EguptiKabili akasunsha ukuboko kwakwe pa Mumana.*+
Ku mupu* wakwe uoca, akoma imilonga* 7 iya ulu lubali,Kabili akalenga abantu bakalwabuke ninshi nabafwala indyato.
16 Kabili kukaba umusebo,+ umo abantu bakwe abashalapo+ bakapita ilyo bakafuma mu Asiria,Nga filya fine kwali umusebo, umo abena Israele bapitile ilyo bafumine mu calo ca Egupti.
Amafutunoti
^ Nelyo “umupashi.”
^ Nelyo “ubulungami.”
^ Nelyo “inkalamo iyana iya masense.”
^ Nelyo kuti yapilibula no kuti, “kabili umwana wa ng’ombe ne nkalamo fikaliila pamo.”
^ Iyi insoka imoneka nga kafi.
^ Nelyo “inko shikamufwaya.”
^ E kutila, “Babiloni.”
^ Nelyo “Bakakwata amaka pa.”
^ Mu ciHebere, “bakatentemukila pa cipeya.”
^ Nelyo kuti yapilibula no kuti, “akakamya.”
^ Mu ciHebere, “ululimi.”
^ E kutila, Umumana wa Yufrate.
^ Nelyo “umupashi.”
^ Nelyo kuti yapilibula no kuti, “akooma ulubali.”
