Esaya 13:1-22
13 Ubukombe bwa bupingushi pali Babiloni+ ubo Esaya+ umwana wa kwa Amose amwene mu cimonwa:
2 “Imyeni icishibilo+ pa lupili apaba fye amabwe yeka yeka.
Babilikisheni, imyeni ukuboko mubacebushe,Pa kuti bengile mu mpongolo sha bashimucindikwa.
3 Nimpeela abo nasala*+ ifunde.
Ninjita abashilika bandi abasekelela kabili aba cilumba,Pa kuti inangile ubukali bwandi muli bena.
4 Umfweni! Kuli ibumba mu mpili;Icongo caliko cileumfwika nge congo ca bantu abengi nga nshi!
Umfweni! Ifimfulunganya fya mabufumu,Ifya nko isho balonganike pamo!+
Yehova wa mabumba alelonganika abashilika pa kuti balwe inkondo.+
5 Yehova aleisa ne fyanso fya bukali bwakwe,Alefuma ku calo+ ca kutali,Ku mpela ya muulu,Aleisa mu konaula isonde+ lyonse.
6 Loosheni mwe bantu, pantu ubushiku bwa kwa Yehova nabupalama!
Bukaba bushiku bwa bonaushi ubwa Wa Maka Yonse.+
7 E co amaboko yonse yakatompokela,Kabili umutima wa muntu onse ukasunguluka ku mwenso.+
8 Abantu nabasakamikwa sana.+
Ubukali nabubekata,Bali ngo mwanakashi uulepaapa.
Baleloleshanya ninshi bali no mwenso,Ifinso fyabo filelanga fye ukuti balekalipwa.
9 Moneni! Ubushiku bwa kwa Yehova buleisa,Bushiku bwa bunkalwe, ubwa cipyu kabili ubwa bukali ububilima ngo mulilo,Bukalenga icalo cikonaike ica kuti abantu bakalapapa+ nga bacimona,Kabili bukonaula ababembu ba mu calo.
10 Pantu intanda sha mu muulu na mabumba ya shiko*+Tafyakasanike;Ilyo akasuba kakatula, kakafiita,Kabili umweshi tawakabalike.
11 Nkalubulwisha aba pe sonde pa fyabipa+ ifyo bacita,Kabili nkalubulwisha ababifi pa filubo fyabo,
Nkapwisha icilumba ca baituntumba,Kabili nkacefya abankalwe+ aba matutumuko.
12 Nkalenga umuntu umwina kufwa akaafye ukumusanga ukucila golde+ iyo balopolola,Kabili abantu bakaafya ukusanga ukucila golde ya ku Ofiri.+
13 E co nkalengela imyulu ikatutume,Kabili isonde likatenta, likafume na pa cifulo+ ca likoPa mulandu wa bukali bwa kwa Yehova wa mabumba, mu bushiku ilyo ubukali bwakwe bukapya ngo mulilo.
14 Nge mpombo iyo balelunga kabili nge mpaanga ishishikwete uwa kushilonganika,Cila muntu akabwelela ku bantu bakwe;Cila muntu akafulumukila ku calo+ cakwe.
15 Onse uo bakasanga bakamulasa umufwi ica kuti ukapula no kupula,Kabili onse uo bakekata bakamwipaila ku lupanga.+
16 Abana babo bakabasansaula ninshi balemonako,+Bakasenda ne fipe fya mu mayanda yabo,Kabili abaume bambi bakalaala na bakashi babo ku maka.
17 Ndebemisha abena Madai,+Abamona silfere ukuti tayacindamaKabili abashatemwa golde.
18 Amata yabo yakepaya abalumendo;+Tabakomfwile uluse ifisabo fya mwi fumoKabili tabakomfwile uluse abana.
19 Kabili Babiloni, umusumba uwacindamisha uwa mabufumu,*+Uo abena Kaldi+ basekelamo kabili uo bayumfwilapo,Ukaba nga filya Sodomu na Gomora fyali ilyo Lesa afyonawile.+
20 Takwakabe nangu umo uukekalamo,Kabili aba mu nkulo+ shonse tabakekalemo.
No mwina Arabia takatanikemo itenti lyakwe,Kabili takwakabe kacema uukaleka impaanga shakwe shikatuushishemo.
21 Inama sha mu fiswebebe e mo shikalalaala;Mu mayanda yabo mukesula ifipululu.
Bamwakatala e mo bakalaikala,+Kabili imbushi sha mu mpanga* e mo shikalatolauka.
22 Inama sha mu mpanga shikalalilila mu mpungu sha uko,Kabili bamumbwe bakalalilila mu masano ya uko ayasuma.
Inshita ya uko naipalama, kabili inshiku sha uko tashakatantalile.”+
Amafutunoti
^ Mu ciHebere, “aba mushilo.”
^ Mu ciHebere, “na mabumba ya ntanda sha Kesili.” Nalimo aya mabumba ya ntanda ni yalya beta ukuti Orion na mabumba yambi aya ntanda ayaba mupepi na sho.
^ Nelyo “ubusuma bwa mabufumu.”
^ Nelyo kuti yapilibula no kuti, “kabili ifibanda ifyaba nge mbushi.”
