Esaya 2:1-22
2 Ifi e fyo Esaya umwana wa kwa Amose amwene ifyali no kucitika mu Yuda na mu Yerusalemu:+
2 Mu nshiku sha ku mpela,*Ulupili apaba ing’anda ya kwa YehovaLukapampamikwa pa muulu wa mpili,Kabili bakalwimya ukucila utupili,+Kabili aba mu nko shonse bakalayako nga filya amenshi yakonkoloka mu kamana.+
3 Kabili abantu abengi bakayako no kutila:
“Iseni, tunine tuye ku lupili lwa kwa Yehova,Na ku ng’anda ya kwa Lesa wa kwa Yakobo.+
Akatusambilisha inshila shakwe,Kabili tukalaenda mu nshila shakwe.”+
Pantu amafunde* yakafuma mu Sione,Na mashiwi ya kwa Yehova yakafuma mu Yerusalemu.+
4 Akapingula inkoKabili akalungika imilandu ya bantu abengi.
Bakafula impanga shabo shikabe amaplaoKabili bakafula amafumo yabo yakabe ifya kutungwilako ifimuti.+
Takwakabe uluko ulukemya ulupanga pa kuti lulwishe uluko lunankwe,Kabili takwakabe uluko ulukasambilila ifya kulwa inkondo na kabili.+
5 Mwe ba mu ng’anda ya kwa Yakobo,Iseni twende mu lubuuto lwa kwa Yehova.+
6 Pantu namulekelesha abantu benu, aba mu ng’anda ya kwa Yakobo,+Pa mulandu wa kuti mu calo mwaisula ifintu fya ku Kabanga;Kabili abantu balacita ifinjelengwe+ nga baPelishiti,Kabili bekala na bana abengi aba bena fyalo.
7 Icalo cabo caisulamo silfere na golde,Kabili ifyuma fyabo te kuti fipendwe.
Icalo cabo caisulamo bakabalwe,Kabili amaceleta+ yabo te kuti yapendwe.
8 Icalo cabo caisulamo tulesa+ twa fye.
Bakontamina ifyo bapanga na maboko yabo,Ifyo iminwe yabo yapanga.
9 E ico umuntu naseebana, nasaalulwa,Kabili te kuti mumubelele uluse.
10 Ingila mu cilibwe kabili ufisame mu lukunguPa mulandu wa fya kutiinya fya kwa YehovaNa pa mulandu wa bukata+ bwakwe ubukalamba.
11 Amenso ya matutumuko bakayaseebanya,Kabili icilumba ca bantu cikakontama.*
Pali bulya bushiku Yehova eka e o bakalumbanya.
12 Pantu bukaba bushiku bwa kwa Yehova wa mabumba.+
Bukesa pali onse uuitutumuna no uibika pa muulu,Bukesa pali onse, nampo nga alicindama nelyo nga alisuulwa,+
13 Bukesa pa mikedari yonse iya mu Lebanone iitali kabili iyo bacindamikaNa pa fimuti fyonse ifikalamba ifya mu Bashani,
14 Bukesa pa mpili shonse ishitaliNa pa tupili tonse utwasansama,
15 Pa lupungu ulutali sana na pa malinga yonse ayakosa,
16 Pa mato yonse ayakalamba aya ku Tarshishi+Na pa mato yonse ayasuma.
17 Umuntu wa matutumuko bakamuseebanya,Kabili icilumba ca bantu cikakontama.*
Pali bulya bushiku Yehova eka e o bakalumbanya.
18 Tulesa twa fye tukaloba+ tonse.
19 Abantu bakengila mu ncengo sha mu fimabweNa mu filindi fya mu mushili,+Pa mulandu wa fya kutiinya fya kwa YehovaNa pa mulandu wa bukata+ bwakwe ubukalamba,Ilyo akema pa kuti alenge isonde litutume pa mulandu no mwenso.
20 Muli bulya bushiku abantu bakabuula tulesa twa fye utwa silfere na goldeUto baipangiile pa kuti baletukontaminaKabili bakapoosela batondo* no tususu,+
21 Pa kuti bakengile mu ncengo sha mu fimabweNa pa kuti bakabelame mu mabwe ayakalamba,Pa mulandu wa fya kutiinya fya kwa YehovaNa pa mulandu wa bukata bwakwe ubukalamba,Ilyo akema pa kuti alenge isonde litutume pa mulandu no mwenso.
22 Pa mulandu wenu, lekeni ukucetekela umuntu,Uwaba fye ngo mupu wa mu myona yakwe,*
Wanshi uwa kubikako amano?
Amafutunoti
^ Nelyo “Mu nshiku sha kulekelesha.”
^ Nelyo “ifya kukonka.”
^ Nelyo “bakacicefya.”
^ Nelyo “bakacicefya.”
^ Utu, tunama utunono utulya sana.
^ Nelyo “Uo umupu wakwe waba mu myona yakwe.”
