Esaya 25:1-12
25 Mwe Yehova, nimwe Lesa wandi.
Ndemutasha, ndelumbanya ishina lyenu,Pantu mwalicita ifintu+ ifisuma sana,Ifyo mwapangile* ukucita kale sana.+Mwalicita ifyo mwalandile kabili mwalilanga ukuti muli ba cishinka.+
2 Pantu mwalenga umusumba waba umwiina wa mabwe,Umusumba uunono uwe linga lyakosa baubongolola.
Mwalenga ulupungu lwa bena fyalo lwitwalilila ukuba umusumba;Tabakalukuule na kabili.
3 E co abantu aba maka bakamucindikila;Aba mu musumba wa nko ishikali bakamutiina.+
4 Pantu namuba umwa kubelama abashakwata bakubafwa,Umwa kubelama abapiina ilyo balecula,+Umwa kuuba imfula iikalamba,Icintelelwe ca kubacingilila ku kasuba,+
Ilyo icipyu ca bankalwe cili nge mfula iikalamba iilelokela ku cibumba.
5 Nga filya fine mupwisha icikabilila ca kasuba mu calo umushaba amenshi,E fyo mupwisha icongo ca beni.
Nga filya fine icintelelwe ce kumbi cipwisha icikabilila ca kasuba,E fyo mulenga ulwimbo lwa bankalwe lwaleka ukumfwika.
6 Muli ulu lupili,+ e mo Yehova wa mabumba akapekanishisha abantu bonseUmutebeto wa fyanona,+Umutebeto wa mwangashi uusuma,*Umutebeto wa fyanona ifyaisulamo ubufyompo,Umutebeto wa mwangashi uusuma, uwasuuswa.
7 Muli ulu lupili akafumyamo icafimba abantu bonse,Kabili akafumyapo* insalu* iyo bapikwila pa nko shonse.
8 Akamina* imfwa umuyayaya,+Kabili Shikulu Mulopwe Yehova akakuumuna ifilamba ku menso+ yonse.
Akafumyapo ukuseebana kwa bantu bakwe pano isonde ponse,Pantu Yehova umwine nalanda.
9 Muli bulya bushiku abantu bakalanda abati:
“Moneni! Uyu e Lesa wesu!+
E o twacetekela,+Kabili akatupususha.+
Uyu ni Yehova!
E o twacetekela.
Natusekelele no kwanga pantu alatupususha.”+
10 Pantu ukuboko kwa kwa Yehova kukatuushisha pali ulu lupili,+Kabili Moabu bakamunyantaula mu cifulo+ cakweNga filya banyantaula impimbili pa mwina wa citindi.
11 Akoma Moabu amapiNga filya uuleowa oma pa menshi pa kuti owe,Kabili akabomfya bwino amabokoPa kucefya amatutumuko+ yakwe.
12 Kabili umusumba uwacingililwa,Na malinga yobe ayatali, akafiwisha;Akabongolola umusumba, uku-ufisha na pa mufula.
Amafutunoti
^ Nelyo “Ifyo mwalefwaya.”
^ Nelyo “Umutebeto wa mwanganshi uo basungila pa fiseekwa.”
^ Mu ciHebere, “akamina.”
^ Nelyo “icifimbo.”
^ Nelyo “Akafumyapo.”
