Esaya 26:1-21
26 Muli bulya bushiku, bakemba+ ulu lwimbo mu calo ca Yuda:+
“Twalikwta umusumba+ uwakosa.
Alenga ipusukilo lyaba ifibumba fya uko, kabili lyaba iloba ilyo batuulika mu mbali ya uko.+
2 Isuleni impongolo+ pa kuti uluko ulucita ifyalungamaKabili ulwaba ne cishinka lwingile.
3 Mukacingilila abantu abashintilila pali imwe ne mitima yabo yonse;*Mukatwalilila ukubapeela umutende+Pantu ni mwe bacetekela.+
4 Cetekeleni Yehova umuyayaya,+Pantu Jah* Yehova Cilibwe+ ca muyayaya.
5 Pantu nacefya abekala pa muulu, umusumba uwaba pa muulu.
Naikisha umusumba panshi,Naikisha umusumba pe sonde;Naupoosa mu lukungu.
6 Ulukasa lukaunyantaula,Ulukasa lwa bo bacusha, amakasa ya bashakwata bakubafwa.”
7 Inshila ya walungama yalyololoka.*
Apo mwalilungama,Mukawamya inshila ya balungama.
8 Ilyo tule-enda mu nshila yenu iya mulinganya mwe Yehova,Tulamucetekela.
Twalicindika ishina lyenu* kabili tulafwaisha balelibukisha.*
9 Mu nshita ya bushiku ndamufwaisha no mweo wandi onse,Umupashi wandi ulamufwaya;+Pantu ilyo mwapingula isonde,Abekala mu calo balasambilila ubulungami.+
10 Nangu umubifi bamucitile ifisuma,Takasambilile ubulungami.+
Na mu calo umo bacita ifyalungama* akalacita ifyabipa,+Kabili takamone ubukata bwa kwa Yehova.+
11 Mwe Yehova, nangu ca kuti mwalimya ukuboko kwenu, tabakumona.+
Bakamona ifyo mwacincila pa bantu benu kabili bakomfwa insoni.
Umulilo wenu ukalya abalwani benu.
12 Mwe Yehova, mukatupeela umutende,+Pantu fyonse ifyo twacitaNimwe mwalenga ukuti tuficite.
13 Mwe Yehova Lesa wesu, bashikulu besu bambi balitutekapo.+Lelo tulanda fye pe shina lyenu epela.+
14 Balifwa; tabakabe no mweo.
Balifwa, tabakeme.+
Pantu mwalibakandaMwalibalofya pa kuti belabalandapo.
15 Namukusha uluko, mwe Yehova,Namukusha uluko;Namuicindamika.+
Namukusha sana imipaka yonse iya calo.+
16 Mwe Yehova, ilyo balecula baishile kuli imwe;Bapongolwelele ipepo lyabo mu kantepentepe kuli imwe ilyo mwabasalapwile.+
17 Nga filya fine umwanakashi uuli mu kupaapaAkalipwa kabili alila,E fyo mulengele na ifwe tuleumfwa, mwe Yehova.
18 Twalimite kabili twaleumfwa ubukali pa kupaapa,Lelo cali kwati twafyele umwela.
Tatwapuswishe icalo,Takuli uwafyelwe uukekala mu calo.
19 “Abantu bobe abafwa bakaba no mweo.
Ifitumbi fyandi* fikabuuka.+
Buukeni no kusekelela,Mwe baba mu lukungu!+
Pantu umume wenu waba ngo mume wa lucelo,*Kabili isonde likaleka abafwa bakabe no mweo.*
20 Kabiyeni mwe bantu bandi, ingileni mu miputule yenu iya mu kati,Kabili mwisaleko ifiibi.+
Mufisame pa nshita inonoMpaka ubukali* bupite.+
21 Pantu moneni! Yehova aleisa ukufuma ku cifulo cakweKu kulubulwisha abekala mu calo pa membu shabo,Kabili icalo cikasokolola umulopa basuumishe muli cena,Kabili tacakafise abo baipeye muli cena.”
Amafutunoti
^ Nelyo kuti yapilibula no kuti, “abashaluka mu fyo bafwaisha ukucita.”
^ “Jah” e fyo balemba ishina lya kuti Yehova mu kwipifya.
^ Nelyo “bali-ilinganya.”
^ Nelyo “Ifwe ne myeo yesu twalicindika ishina lyenu.”
^ E kutila, baleibukisha Lesa ne shina lyakwe, balenge abantu balishibe.
^ Nelyo “umo bacita ifyaololoka.”
^ Mu ciHebere, “Icitumbi candi.”
^ Nelyo kuti yapilibula no kuti, “umume wa ku fimpusa, umume wa ku fimenwa.”
^ Nelyo “likafumya abafwa.”
^ Nelyo “ubukali bwa kwa Lesa.”
