Esaya 35:1-10
35 Amatololo ne mpanga iyauma fikasekelela,+Iciswebebe cikasansamuka kabili cikabalula nga maluba ya ntongola.+
2 Nangu cibe shani cikabalula;+Cikasekelela kabili cikasansamuka.
Bakacipeela+ ubukata bwa Lebanone,No bucindami bwa Karmele+ no bwa Sharone.+
Abantu bakamona ubukata bwa kwa Yehova, ubucindami bwa kwa Lesa wesu.
3 Kosheni amaboko ayanaka,Kabili kosheni amakufi ayaletutuma.+
4 Ebeni abo imitima yabo isakamikwe amuti:
“Shipeni. Mwitiina.
Moneni! Lesa wenu akesa mu kulandula abalwani benu,Lesa akesa mu kubakanda.+
Akesa mupususha.”+
5 Pali ilya nshita amenso ya bashimona yakamona,+Na matwi ya bakoma amatwi yakatendeka ukumfwa.+
6 Pali ilya nshita uwalemana akacilauka nge nsebula,+Kabili ululimi lwa kwa cibulu lukaula akapundu.+
Mu matololo mukalafukauka amenshi,Ne milonga ikalapita mu fiswebebe.
7 Umushili uwaumisha ukaba icishiba umwaba amatete,Na pa mushili apauma pakalafukauka amenshi.+
Umo bamumbwe baleikala,+Mukamena icani iciteku, amatete na macinda.
8 Kabili kulya+ kukaba umusebo uukalamba,Umusebo uo bakalaita abati Inshila ya Mushilo.
Uwakowela takapitemo.+
Bakausungila abafwile ukwendamo;Umuwelewele nangu umo takapitemo.
9 Tamwakabe inkalamo,Ne fiswango tafyakabemo.
Tafyakasangwemo;+Abakendamo+ fye ni balya abo bakalubula.
10 Abo Yehova akalubula bakabwelela+ ku Sione ninshi balesekelela.+
Ukusekelela kukaba pa mitwe+ yabo umuyayaya.
Bakala-anga no kusekelela,Kabili ubulanda no kuteta fikafulumuka.+
