Esaya 4:1-6
4 Kabili muli bulya bushiku+ abanakashi 7 bakekata umwaume umo, no kumweba abati:
“TwakulailiishaNo kuifwika fwe bene;Ico tulefwayako fye kuli iwe ca kuti abantu baletwitila kwi shina lyobePa kuti ukuseebana+ kwesu kupwe.”*
2 Muli bulya bushiku, ico Yehova akamesha cikaba icisuma nga nshi kabili ica bukata. Abakapusuka mu Israele+ bakalaitakishisha pa fisabo ifikaba mu calo kabili bakalasekelela.
3 Bonse abakashalapo mu Sione na mu Yerusalemu bakabeta ukuti ba mushilo, bonse abo bakalemba mu Yerusalemu ukuti batwalilile ukuba no mweo.+
4 Ilyo Yehova akawamya ubusali* bwa bana banakashi ba mu Sione+ no kuwamya umulopa wa mu Yerusalemu ku mupashi wa bupingushi na ku mupashi uupya ngo mulilo,*+
5 Yehova akabikako ikumbi ne cushi mu nshita ya kasuba, pa ncende yonse iya Lupili lwa Sione na pa ncende ya kulonganinapo; kabili mu nshita ya bushiku,+ akabikako umulilo uukalabilima pantu pali fyonse ifya bukata pakaba ica kufimbapo ica kuficingilila.
6 Kabili kukaba insakwe ya kuicingililamo ku cikabilila+ mu nshita ya kasuba, kabili iya kuicingililamo ku cimwela no kuubamo imfula.+
Amafutunoti
^ E kutila, umuseebanya wa kukanaupwa no wa kukanakwata abana.
^ Mu ciHebere, “amafi.”
^ Nelyo “uusangulula.”
