Esaya 41:1-29
41 “Kutikeni kuli ine mu mutalalila,* mwe fishi;Inko nashibe na maka na kabili.
Nashipalame; lyena shilande.+
Natukumane pamo pa kuti imupingule.
2 “Nani uwapeelapo uwafuma ukutulila akasuba*+ amaka,Uumwita mu bulungami ukuti ese apo ali,*Pa kuti amupeele inkoKabili amulenge acimfye imfumu?+
Nani uumina inko ku lupanga ica kuti shaba ngo lukungu,Uushisalanganishisha ku buta nga filya umwela uukalamba ululula impimbili?
3 Ashikonka kabili takuli nangu cimo icimucilikiile,Apita mu nshila umo amakasa yakwe yashapitamo.
4 Nani uucitile ifi,Uwita inkulo ne nkulo ukufuma pa kutendeka?
Nine ne Yehova, ne Wa Ntanshi;+Kabili naba cimo cine+ na ku ba kulekelesha.”
5 Ifishi nafimona kabili fili no mwenso.
Impela she sonde shatendeke ukututuma.
Bapalamina kabili baleisa fye.
6 Cila muntu aleafwa umunankweKabili ale-eba munyina ati: “Kosa.”
7 E ico uwaishiba ifya kupangapanga alekoselesha uufula ifyela;+Uulepapatalika ifyela kuli sandoAlekoselesha uulefula ifyela pa ca kufulilapo.
Alelanda pa kocelela ifyela ati: “Kusuma.”
Lyena bapampamina icilubi ne misomali pa kuti cipona.
8 “Lelo iwe we Israele uli mubomfi+ wandi,Iwe we Yakobo, we o nasala,+Umwana* wa kwa Abrahamu cibusa wandi,+
9 Iwe we o nafumishe ku mpela sha pano isonde,+Kabili iwe we o naitile ukufuma ku ncende sha pe sonde ishaba ukutali sana.
Nakwebele nati, ‘Uli mubomfi+ wandi;Nalikusala; nshakukaana+ iyo.
10 Witiina pantu ndi na iwe.+
Wilasakamana pantu nine Lesa+ obe.
Ndekukosha kabili ndekwafwa.+Ukuboko kwandi ukwa ku kulyo ukucita ifyalungama kulekwikatilila.’
11 Mona! Bonse abakufulilwa bakekatwa insoni kabili bakaseebana.+
Abalwa na iwe bakaloba.+
12 Ukafwaya abalwa na iwe, lelo tawakabasange;Abantu abalwa na iwe inkondo tabakabeko, bakaloba bonse.+
13 Pantu ine ne Yehova Lesa obe, ndeikata ukuboko kobe ukwa ku kulyo,Ndekweba nati, ‘Witiina. Ndekwafwa.’+
14 Witiina we mwambo* Yakobo,+Mwe baume ba mu Israele. Ndemwafwa,” e fyo Yehova, Kalubula+ wenu, Uwa Mushilo uwa kwa Israele alanda.
15 “Mona! Nakulenga ukuba ica kusokwelako ingano,+Ica kusokwelako icipya icatwa uku no ku.
Ukanyantaula impili no kushishonaulaKabili ukalenga utupili tukabe nge misungu.
16 Ukafyulula,Kabili umwela ukafisenda;Umwela uukalamba ukafisalanganya.
Ukasekelela pa mulandu ne fyo Yehova+ acita,Kabili ukaitakishisha pa fyo Uwa Mushilo uwa kwa Israele+ acita.”
17 “Abashakwata bakubafwa na bapiina balefwaya amenshi, lelo takuli nangu yamo.
Ululimi lwabo naluma ku cilaka.+
Ine ne Yehova nkabaasuka.+
Ine ne Lesa wa kwa Israele, nshakabalekeleshe.+
18 Nkalenga pa tupili+ apashaba ifimuti pakapite imimanaKabili nkalenga mu mpanga iyabatama,+ mukabe utumfukumfuku.
Nkalenga amatololo yakabe icishiba umwaba amateteKabili nkalenga impanga umushaba amenshi, mukalefukauka amenshi.+
19 Mu ciswebebe nkalimbamo umukedari,Umunganunshi, umuhadasi ne cimuti+ ca mafuta.
Mu mpanga iyabatama iya mu ciswebebe nkalimbamo umukupri,Pamo no mutidari no mutashuri.+
20 Pa kuti abantu bonse bamone no kwishibaKabili babikeko amano no kwilukaUkuti ukuboko kwa kwa Yehova e kwacita ifi,Kabili Uwa Mushilo uwa kwa Israele e ulengele ukuti ifi ficitike.”+
21 “Lubululeni umulandu wenu,” e fyo Yehova alanda.
“Leteni ubushininkisho mukwete,” e fyo Imfumu ya kwa Yakobo yalanda.
22 “Leteni ubushininkisho kabili twebeni ifikacitika.
Twebeni pa fyacitike kale,*Pa kuti tutontonkanyepo* kabili twishibe ifyo ifintu fikaba.
Nelyo twebeni ifili no kucitika.+
23 Twebeni ifikacitika ku ntanshi,Pa kuti twishibe ukuti nimwe balesa.+
Citeni icisuma nelyo icibi,Pa kuti tupeshiwe amano nga twacimona.+
24 Moneni! Tamwabako,Kabili tapali ico mwacita.+
Onse uumusala wa bunani.+
25 Ninjimya umwaume ukufuma ku kapinda ka ku kuso, kabili akesa,+Umwaume uukafuma ukutulila akasuba,*+ akalilila kwi shina lyandi.
Akanyantaula intungulushi* kwati alenyantaula iloba,+Nga filya nakabumba anyantaula iloba ilyanaka.
26 Nani uwalandapo pali ici ukutula pa kutendeka, pa kuti twishibe,Nelyo nani uwalandapo kale, pa kuti tulande atuti, ‘Nalungika’?+
Takuli nangu umo uwalandapo!
Takuli nangu umo uwabilishapo pali ifi!
Takuli nangu umo uo mwaebapo ifi!”+
27 Nine nabalilepo ukweba Sione nati: “Mona! E ifi!”+
Kabili nkatuma uwa kutwala imbila nsuma+ ku Yerusalemu.
28 Lelo nalitwalilile ukulolesha, kabili takwali nangu umo;Takwali nangu umo pali bena uwalepanda amano.
Nangu ca kuti nalitwalilile ukubepusha, tabalenjasuka.
29 Moneni! Bonse tababa kantu.*
Imilimo yabo ya fye.
Ifilubi fyabo ifya cela,* fyaba fye ngo mwela kabili fya kwelenganya fye.+
Amafutunoti
^ Nelyo “Beni tondolo pa ntanshi yandi.”
^ Nelyo “uwafuma ku kabanga.”
^ E kutila, ese mu kumubombela.
^ Mu ciHebere, “Ulubuto.”
^ E kutila, uushakwata wa kumucingilila kabili uwa kumwafwa.
^ Mu ciHebere, “ifya ntanshi.”
^ Nelyo “Pa kuti tubikepo umutima wesu.”
^ Nelyo “ku kabanga.”
^ Nelyo “Akanyantaula inkonkani sha ntungulushi.”
^ Nelyo “tababako.”
^ Nelyo “Ifimpashanya fyabo ifya kwenga.”
