Esaya 42:1-25
42 Moneni! Umubomfi+ wandi uo ngafwilisha!
Uo nasala,+ uulenga ndesekelela!*+
Nalibika umupashi wandi muli ena;+Akaleta umulinganya ku nko.+
2 Takabilikishe nelyo ukusansula ishiwi lyakwe,Kabili takaleke ishiwi lyakwe likomfwike mu musebo.+
3 Takakontole itete ilyafunika,Kabili takashimye+ iciku* icili mu kushima.
Akaba uwa cishinka kabili akaleta umulinganya.+
4 Takashibantukile nelyo ukufunika, mpaka akalenge mwi sonde+ mukabe umulinganya;Kabili ifishi filalolela amafunde* yakwe.
5 Lesa wa cine Yehova,Uwabumbile imyulu kabili Uwakulisha, uwafungulwile+ imyulu,Uwabumbile isonde ne fyabapo,+Uupeela abantu ababamo+ umupuKabili uupeela abendamo+ umupashi, atila:
6 “Ine ne Yehova ninkwita mu bulungami;Ninjikata ukuboko kobe.
Nkakucingilila kabili ukaba nge cipangano ico nkapangana na bantu+Kabili ukaba ngo lubuuto ku nko,+
7 Pa kuti ukalenge amenso+ ya bashimona yakamone,Pa kuti ukafumye umufungwa mu cifungoNa pa kuti abaikala mu mfifi ukabafumye mu cifungo.+
8 Nine Yehova. Ili e shina lyandi;Nshakapeele umbi ubukata bwandi,*Kabili nshakapeele ifimpashanya+ amalumbo yandi.
9 Moneni, ifyo nabalilepo ukusobela fyalicitika;Nomba ndemulondolwelako ifipya.
Ilyo fishilacitika, ndemwebako pali fyena.”+
10 Imbileni Yehova ulwimbo+ ulupya,Mulumbanyeni ku mpela sha pano isonde,+Imwe mwe baya pali bemba, na fyonse ifyaba muli bemba,Mwe fishi na mwe baikalapo.+
11 Amatololo ne misumba ya yako nafisansule amashiwi+ ya fiko,Kumo ne mishi umwikala Kedari.+
Abekala mu ncende ya mabwe nabasekelele;Nababilikishe pa muulu wa mpili.
12 Nabacindike YehovaKabili bamulumbanishishe pa fishi.+
13 Yehova akaya mu kulwa ngo mwaume+ wa maka.
Akalafwaisha ukucitapo cimo ngo mushilika.+
Akasansula ishiwi nga filya abaya mu kulwa inkondo basansula amashiwi yabo;Akalanga ukuti wa maka ukucila abalwani+ bakwe.
14 “Nalikala tondolo pa nshita iitali.
Nshilandapo nangu cimo kabili nali-ilama.
Nkateta no kupemashika no kutusaila,Ngo mwanakashi uulepaapa.
15 Nkonaula impili no tupiliKabili nkalenga ifimenwa fyonse ifyabapo fikoome.
Nkalenga imimana ikabe ifishiKabili nkalenga ifishiba+ umwaba amatete fikakame.
16 Nkalenga abashimona bakende mu nshila iyo bashaishiba+Kabili nkalenga amakasa yabo yakapite mu nshila+ isho bashapitamo.
Nkalenga imfifi pa ntanshi yabo ikabe ulubuuto+Kabili nkapasa+ ponse apalundumana.
Ifi e fyo nkabacitila, kabili nshakabalekeleshe.”
17 Bakabacimfya kabili bakekatwa insoni,Abacetekela ifimpashanya,Abeba ifimpashanya fya cela* abati: “Nimwe balesa+ besu.”
18 Umfweni mwe bakoma amatwi;Mwe bashimona,+ moneni kabili bikeniko amano.
19 Nani uwapofula ngo mubomfi wandi,Uwakoma amatwi nge nkombe iyo ntuma?
Nani uwapofula ngo muntu uo balambula,Uwapofula ngo mubomfi wa kwa Yehova?+
20 Ulamona ifintu ifingi, lelo taubikako amano.
Walikwata amatwi, lelo taumfwa.+
21 Pantu pa mulandu wa bulungami bwakwe,Yehova alatemwa ukukusha amafunde* no kuyacindamika.
22 Lelo aba bantu abo baibila ifipe no kufisenda;+Bonse balifilwa ukufuma mu ncengo, kabili baba mu fifungo.+
Balibapokolola ifipe kabili takwaba nangu umo uwa kubapususha,+Balibasenda kabili takwaba nangu umo uulanda ati: “Babwesheni!”
23 Nani pali imwe uukakutika ifi?
Nani akabikako amano no kumfwa pa kuti ifintu fikamuwamine ku ntanshi?
24 Nani uwalengele Yakobo bamusendeKabili Israele bamupokolole ifintu fyakwe?
Bushe te Yehova uo twabembukiile?
Tabalefwaya ukwenda mu nshila shakwe,Kabili tabalekonka+ amafunde* yakwe.
25 E ico apongolwelele ubukali bwakwe pali ena,Alimufuliilwe kabili amuleteele ubukali bwa nkondo.+
Bwalyonawile fyonse ifyali mupepi nankwe, lelo tabikileko amano.+
Ubukali bwakwe bwalibilime ngo mulilo pali ena, lelo tabikileko amano.+
Amafutunoti
^ Nelyo “uulenga umweo wandi ulesekelela.”
^ Iciku, ni ntambo ya nsalu iyo babika mu nyali pa kuti inyali ileaka.
^ Nelyo “ifya kukonka.”
^ Nelyo “Nshakakanyeko umbi ubukata bwandi.”
^ Nelyo “ifimpashanya ifyaengwa.”
^ Nelyo “ifya kukonka.”
^ Nelyo “ifya kukonka.”
