Esaya 44:1-28
44 “Nomba umfwa we Yakobo, we mubomfi wandi,Na iwe we Israele, we o nasala.+
2 Yehova uwakupangile kabili uwakubumbile,+Uukwafwa ukutula ilyo wali mwi fumo,* alanda ati:‘Witiina we mubomfi wandi Yakobo,+
Na iwe Yeshuruni,*+ we o nasala.
3 Pantu nkapongolwela amenshi pa uli ne cilaka*+Kabili nkalenga imilonga ikalepita mu mpanga iyauma.
Nkapongolwela umupashi wandi pa bana*+ bobeNe paalo lyandi pa bakatuntuka muli iwe.
4 Kabili bakamena no kukula nge cani+ iciteku,Nge miarabimu iyaba mu mbali ya milonga.
5 Umuntu umo akalanda ati: “Ndi wa kwa Yehova.”+
E lyo na umbi akaita ishina lya kwa Yakobo,Kabili umbi akalemba pa kuboko kwakwe ati: “Ndi wa kwa Yehova.”
Kabili akainika ishina lya kwa Israele.’
6 Yehova Imfumu ya kwa Israele+ kabili Kalubula+ wakwe,Yehova wa mabumba, alanda ati:
‘Nine wa ntanshi kabili uwa kulekelesha.+
Takwaba Lesa umbi kano ine.+
7 Nani uwaba nga ine?+
Lekeni alande kabili anjebe ubushininkisho!+
Ukutula kale ilyo nabikileko abantu,Nani uwingalanda ifili no kucitika nomba lineE lyo ne fikacitika ku ntanshi?
8 Mwitiina,Kabili mwileka umwenso+ ulenge mufilwe ukucitapo cimo.
Bushe nshamwebeele limo imwe bonse, kabili nshalengele mwishibe ifikacitika?
Muli nte shandi.+
Bushe kwaliba Lesa umbi uwacila pali ine?
Awe, takwaba Icilibwe cimbi. Nshaishibapo Icilibwe+ nangu cimo.’”
9 Bonse abapanga ifilubi ba fye,Kabili ifilubi fyabo ifyo batemwa tafyakabafwe.+
Ishi inte shabo* tashimona, kabili tashaishiba nangu cimo,+E ico abapanga ifi filubi bakaseebana.+
10 Nani uwingapanga lesaNelyo icimpashanya ca cela* icishingamwafwa?+
11 Moneni! Abanankwe bonse bakaseebana!+
Abaishiba ifya kupangapanga bantunse fye.
Nabalongane pamo kabili beminine.
Bakomfwa umwenso kabili bakaseebanina pamo.
12 Uufula ifyela alefula icela ico akafishe pa malasha,
Alebomfya ica kufulilako cakwe, alepangila ku masando yakwe.Alebomfya ukuboko+ kwakwe ukwa maka pa kufula;
Lyena aumfwa insala na maka yapwa;Talenwa amenshi kabili anaka.
13 Uubasa ifimuti atambulula intambo yakwe iya kupiminako,
Pa kuti apime icimuti,
Ashilapo ifishilwa ifyakashika,Acibasa ukubomfya ica kubashilako,Ashilamo ku ca kushililako, abasa icaba ngo muntu,+ icimoneka bwino ngo muntu pa kuti cileikala mu ng’anda.*+
14 Kwaliba uubomba umulimo wa kutema imikedari.
Asala umusango umo uwa cimuti, icimuti icikalamba,Kabili acileka cakosa, ilyo cili pamo ne fimuti ifikalamba ifya mu mutengo.+
Abyala umuoreni kabili imfula yalenga wakula.
15 Lyena caba inkuni sha kuti umuntu alekoseshako umulilo.
Atemako inkuni isha kuti onte:Akosha umulilo kabili apangapo umukate.
Lelo apangamo na ka lesa kabili alakapepa.
Abasamo ne cilubi kabili alacifukamina.+
16 Hafu ya cimuti aoca;E lyo hafu imbi iya cimuti aocapo inama, alya no kwikuta aikuta.
Kabili ilyo aleonta alanda ati:
“Eya! Nakangabuka ilyo ndemona umulilo.”
17 Lelo icimuti icashalako apangamo ka lesa, abasamo icilubi.
Acifukamina kabili acipepa.
Apepa kuli cena no kulanda ati:
“Mpususha pantu niwe lesa+ wandi.”
18 Tabaishiba nangu cimo, tabeluka nangu cimo,+Pantu amenso yabo yalishibata, kabili tayamona,No mutima wabo tawiluka.
19 Takuli nangu umo uutontonkanyapo mu mutima wakweNelyo uwiluka ukuti:
“Nalyoca hafu ya cimuti,Kabili pa malasha ya ciko nalipangilapo umukate, naocelapo ne nama ya kulya.
Bushe mfwile ukupanga ica bunani+ ku cimuti cashalako?
Bushe mfwile ukupepa icimuti icauma?”
20 Alya imito.
Umutima wakwe uo babepa naumulufya.
Te kuti aipusushe,* kabili te kuti alande ati:
“Bushe mu minwe yandi iya ku kulyo tamuli ubufi?”
21 “Ibukisha ifi fintu we Yakobo, na iwe we Israele,Pantu uli mubomfi wandi.
Nalikubumbile kabili uli mubomfi+ wandi.
We Israele, nshakakulabe.+
22 Nkafimba pa filubo fyobe kwati likumbi+ lifimbilepoKabili nkafimba pa membu shobe kwati likumbi ilyafiita lifimbilepo.
Bwelela kuli ine pantu nkakulubula.+
23 Auleni utupundu mwe myulu,Pantu Yehova nacitapo cimo!
Welesheni ukuwelesha kwa kucimfya, mwe ncende sha panshi ishe sonde!
Sekeleleni mwe mpili,+Mwe mitengo, na mwe fimuti fyonse ifyabamo!
Pantu Yehova nalubula Yakobo,Kabili pali Israele e po alanga ubucindami+ bwakwe.”
24 Yehova Kalubula+ obe,Uwakupangile ilyo wali mwi fumo alanda ati:
“Nine Yehova, uwapangile ifintu fyonse.
Nali neka+ ilyo nafungulwile imyulu,Kabili nalifungulwile isonde.+
Nani uwali na ine?
25 Ndafulunganya ifishibilo fya balanda ifishafwa kantu,*Kabili nine nenga ababuka baba nga bawelewele;+Nine mfulunganya aba manoNo kulenga amano yabo yaba ubuwelewele;+
26 Nine nenga ifyo umubomfi wakwe alanda ficitike,Kabili ndafikilisha fyonse ifyo inkombe+ shakwe shisobelaNine nanda pali Yerusalemu nati, ‘Abantu bakekalamo,’+
Na pa misumba ya mu Yuda ukuti, ‘Bakaikuula cipya cipya,+Kabili nkalenga incende isho baonawile+ shikabe nge fyo shali kale’;
27 Nine njeba amenshi ayaba apashika nati, ‘Kama,Kabili nkakamya imimana+ yonse’;
28 Nine nanda pali Sailasi+ nati, ‘Ni kacema uo nasala,Akacita fyonse ifyo mfwaya’;+Nine nanda pa musumba wa Yerusalemu nati, ‘bakaukuula cipya cipya,’
Na pe tempele nati, ‘Bakapanga+ umufula waliko.’”
Amafutunoti
^ Nelyo “ilyo wafyelwe.”
^ Ilyalola mu kuti “Uwalungama,” ili lishina lya kucindikilako Israele.
^ Nelyo “impanga iya cilaka.”
^ Mu ciHebere, “ulubuto.”
^ E kutila, ifilubi.
^ Nelyo “icimpashanya ca kwenga.”
^ Nelyo “imfuba.”
^ Nelyo “Te kuti apusushe umweo wakwe.”
^ Nelyo “bakasesema ba bufi.”
