Esaya 5:1-30
5 Nalaimbila umutemwikwa wandi ulwimbo.Nalaimba ulwimbo pa mutemwikwa wandi na pe bala lyakwe ilya myangashi.+
Umutemwikwa wandi alikwete ibala mu mbali ya kapili ka mufundo.
2 Alilimine ili ibala, afumyamo na mabwe.
Alimbilemo imyangashi iisuma sana,Alikuulile no lupungu pa kati ke bala,Kabili alifukwilemo ne ca kukaminamo imyangashi.+
Lyena atwalilile ukusubila ukuti likatwala imyangashi iisuma,Lelo lyatwele fye imyangashi+ ya mpanga yeka yeka.
3 “E ico nomba mwe bekala mu Yerusalemu na mwe baume ba mu Yuda,Pinguleni pali ine ne bala lyandi ilya myangashi.+
4 Cinshi cimbi ico nalingile ukucita mwi bala lyandi ilya myangashiIco nshacita+ kale?
Cinshi lyatwalile fye imyangashi ya mpanga yeka yeka,E lyo ninshi nale-enekela imyangashi iisuma?
5 E ico nomba lekeni imwebeIco ndi no kucita ibala lyandi:
Ndi no kufumyako ulubao lwa liko,Kabili nkalyoca.+
Nkabongolola icibumba ca liko ica mabwe,Kabili bakalinyantaula.
6 Nkalenga likabe nge bala ilyo balekelesha;+Tabakalitungwile nelyo ukulimamo.
Mukamena ifimpusa fya myunga ne fyani,+Kabili nkeba amakumbi ukuti yelosha imfula pali lyena.+
7 Pantu ing’anda ya kwa Israele+ e bala lya myangashi ilya kwa Yehova wa mabumba;Abaume ba mu Yuda e filimwa ifyo atemenwe.
Kabili ale-enekela ukuti abantu bakaba no mulinganya+ pa kupingula,Lelo moneni! abantu tabaleba no mulinganya;Ale-enekela ukuti abantu bakaba abalungami,Lelo moneni! abantu balelila pa mulandu wa kuti balebacusha.”+
8 We bulanda ku balundanya ing’anda ku ng’anda+ ibiyeKabili abalundanya ibala kwi bala+ libiyeMpaka incende yapwa,Kabili mwikala fye mweka mu calo!
9 Yehova wa mabumba acilapa ninshi ndeumfwako ukutiAmayanda ayengi, nangu ca kuti yakulu kabili yasuma,Yakaba fya kutiinya,Tamwakekale+ nangu umo.
10 Pantu mu maekita 4 aye bala lya myangashi,Mukafuma fye umutondo* umo uwa mwangashi, na muli homa* imo iya mbuto mukafuma fye itepe*+ limo.
11 We bulanda ku bashibuka ku macaca pa kuti baye mu kunwa ubwalwa,+Abatwalilila fye ukunwa ukufika icungulo bushiku, mpaka bwabakola!
12 Pa mitebeto yabo palaba insango ne cilimba ca nsale,Akaoma ka nyenjele ne cimpeeta, no mwangashi;Lelo tababika amano ku mulimo wa kwa Yehova,Kabili umulimo wa minwe yakwe tabaumona.
13 E ico abantu bandi bakaya muli bunkolePa mulandu wa kuti tabanjishiba;+Bashimucindikwa babo bakaba ne nsala,+Kabili abantu babo bonse bakomfwa icilaka.
14 E ico Inshiishi* nai-ikusha*Kabili nayasamuna akanwa ka iko ukucila mu cipimo;+Kabili bashimucindikwa bakwe, na bantu bakwe aba ciwowo, na bapanga icongo ilyo balesansamukaBakaya muli yena.
15 Kabili umuntu akakontama,Umuntu bakamucefya,Na menso ya bamatutumuko bakayacefya.
16 Yehova wa mabumba bakamulumbanya pa mulandu no bupingushi bwakwe;*Lesa wa cine, Uwa Mushilo,+ akalanga ukuti wa mushilo ukupitila mu bulungami+ bwakwe.
17 Kabili utwana twa mpaanga tukalalya umulemfwe ukwabula ukutiina nangu cimo, kwati tulelya mu cifulo ca tuko;Aba ku fyalo fimbi bakalalya mu fibolya umwaleikala inama ishaina.
18 We bulanda ku batiintila ifilubo fyabo ku ntambo sha bufiKabili abatiintila ulubembu lwabo ku ntambo she celeta;
19 Abatila: “Na-angufyanye ukubomba umulimo wakwe;Umulimo wakwe nawise bwangu pa kuti tu-umone.
Ubufwayo* bwa Wa Mushilo uwa kwa Israele nabucitikePa kuti tubwishibe!”+
20 We bulanda ku balanda ati ubusuma bubi, no bubi abati busuma,+Abalanda ati imfifi lubuuto, no lubuuto abati ni mfifi,Abalanda ati icalula calilowa, ne calowa abati calilula!
21 We bulanda ku baimona ukuti ba manoNa ku baimona+ ukuti baleluka ifintu!
22 We bulanda ku banwesha umwangashiNa ku baume abakosa mu kusaakanya ubwalwa no ku bunwa,+
23 Abatila umubifi tali na mulandu pa mulandu wa mafisakanwa+Kabili abafyenga uwalungama!+
24 E ico nga filya umulilo oca impimbiliKabili nga filya icani icauma cipya mu mulilo,Imishila yabo ikabola,Kabili amaluba yabo yakasalangana ngo bunga,Pantu balikene amafunde* ya kwa Yehova wa mabumbaKabili nabasuula amashiwi ya Wa Mushilo wa kwa Israele.+
25 E mulandu wine ubukali bwa kwa Yehova bwaishila pa bantu bakwe,Kabili akatambalika ukuboko kwakwe pali bena no kuboma.+
Impili shikatenta,Kabili ifitumbi fyabo fikaba nge fisooso mu misebo.+
Pa mulandu wa ifi fyonse, ubukali bwakwe tabwapwa,Lelo acili alitambalika ukuboko pa kuti abome.
26 Aimisha uluko+ ulwaba ukutali icishibilo;Abalishisha umunsoli pa kuti bese ukufuma ku mpela sha pano isonde;+Kabili moneni! bale-endesha+ sana pa kwisa.
27 Pali bena tapali uunakile nangu uuleipununa.
Tapali uuleshipula nangu uuleele.
Umushipi mu misana yabo taukakwike,Kabili intambo sha pa ndyato shabo tashiputwike.
28 Imifwi yabo yonse yalitwa,Kabili nabatiinta amata yabo yonse.
Amabondo ya bakabalwe babo yaba nge libwe ilyakosa,Ne mipeto ya maceleta yabo ilebutukisha ngo mwela+ uukalamba.
29 Ukubuluma kwabo kwaba ngo kwa nkalamo;Babuluma nge nkalamo+ ishana isha masense.*
Bakabuluma no kwikata ico balefwaya ukwikataKabili bakacisenda ukwabula nangu umo uwa kucipususha.
30 Muli bulya bushiku bakabulumina ico bakekataBakabuluma ngo kubuluma kwa bemba.+
Onse uukalolesha pa calo akamona imfifi no bucushi;No lubuuto talwakabeko pa mulandu wa makumbi.+
Amafutunoti
^ Moneni Ifyebo Fyalundwako pa B14.
^ Moneni Ifyebo Fyalundwako pa B14.
^ Moneni Ifyebo Fyalundwako pa B14.
^ Nelyo “naikusha umweo wa iko.”
^ Nelyo “Sheol,” e kutila, inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo “umulinganya wakwe.”
^ Nelyo “Ifyo asalapo ukucita; ukupanda amano kwakwe.”
^ Nelyo “ifya kukonka.”
^ Nelyo “imisepela ya nkalamo.”