Esaya 50:1-11
50 Yehova alanda ati:
“Cili kwi icipepala ico napwishishepo icupo+ na nyinenwe uo natamfishe?
Nelyo nani pa bo nakongweleko indalama uo namushitisheko?
Ifilubo+ fyenu e fyalengele bamushitishe,Kabili imembu shenu e shalengele nyinenwe bamutamfye.+
2 Cinshi nomba nshasangiilepo nangu umo ilyo naishile?
Cinshi kushabelele uwakunjasuka ilyo naitile?+
Bushe ukuboko kwandi kwalipipa ica kuti te kuti kupusushe,Nelyo bushe nshakwata amaka aya kupususha?+
Moneni! Nga nakalipila bemba,+ ilakama.Ndalenga imimana yaba ifiswebebe,+
Ne sabi lyabamo lilabola, pantu tamuba amenshi,Kabili lilafwa ku cilaka.
3 Ndafwika imyulu imfifi,+Kabili ndalenga insamu shaba ica kufimbana ca iko.”
4 Shikulu Mulopwe Yehova alimpeela ululimi lwa basambilila,*+Pa kuti njishibe amashiwi ayasuma*+ aya kwasuka* uwanaka.
Alanshibusha cila lucelo;Alashibusha ukutwi kwandi pa kuti kumfwe nge fyumfwa abo balesambilisha.+
5 Shikulu Mulopwe Yehova aliisula ukutwi kwandi,Na ine nshamupondokeele.+
Nalekonka fyonse ifyo alenjeba.+
6 Inuma yandi napeele abalengumaNa matobo yandi napeele abalensusula umwefu.
Nshafishile icinso candi ku fya museebanya na ku kumfwishila amate.+
7 Lelo Shikulu Mulopwe Yehova akangafwa.+
E co nshakaseebanine.
E co nalengele icinso candi caba nge libwe ilyakosa,+Kabili nalishiba ukuti nshakaseebane.
8 Uulanda ukuti ndi mulungami ali mupepi.
Nani uwingampeela umulandu?*+
Lekeni eminine na ine tulubulule.*
Nani uulempeela umulandu?
Nampalame.
9 Moneni! Shikulu Mulopwe Yehova akangafwa.
Nani uukalanda ati ndi wa mulandu?
Moneni! Bakapwa nge ca kufwala.
Icipelebesha ca bushiku cikabalya.
10 Nani pali imwe uutiina YehovaKabili uukutika ifyo umubomfi wakwe+ alanda,
Uwaendapo mu mfifi iyafiitisha ukwabula ulubuuto?
Nacetekele mwi shina lya kwa Yehova no kushintilila pali Lesa wakwe.
11 “Moneni! Imwe bonse mwebaleasha umulilo,Mwe balelenga insase shilesabauka,Endeni mu lubuuto lwa mulilo wenu,Mu nsase sha mulilo uo mwashishe.
Ifi e fyo ukuboko kwandi kukamupeela:
Mukalaala panshi ninshi mulekalipwa nga nshi.
Amafutunoti
^ Nelyo “ululimi ulo basambilisha bwino.”
^ Nelyo kuti yapilibula no kuti, “ukukosha.”
^ Mu ciHebere, “kwi shiwi.”
^ Nelyo “Nani uwingalwishanya na ine?”
^ Nelyo “Natuloshanye ifinso.”
