Esaya 51:1-23
51 “Umfweni ifyo nalalanda mwe besha ukucita ifyalungama,Mwe bafwaya Yehova.
Lolesheni ku cilibwe uko mwafumineNa mu cilindi umo bamwimbile.
2 Tontonkanyeni pali Abrahamu shinweNa pali Sara+ uwamufyele.*
Pantu ali fye e ka ilyo namwitile,+Kabili nalimupaalile no kumufusha.+
3 Pantu Yehova akasansamusha Sione.+
Akasansamusha ififulo fyakwe fyonse ifyo baonaula,+Kabili akalenga amatololo yakwe yakabe nga Edeni,+Ne ciswebebe cakwe akalenga cikabe nge bala lya kwa Yehova.+
Muli ena mukaba ukusekelela no kwanga,No kutootela ne nyimbo ishisuma.+
4 Bikeni amano ku fyo ndelanda mwe bantu bandi,Kabili kutikeni mwe luko lwandi.+
Pantu nkafumya+ ifunde,Kabili nkalenga umulinganya wandi ukabe ulubuuto ku nko.+
5 Ubulungami bwandi nabupalama.+
Ukupususha kwandi kukesa kuli imwe,+Kabili amaboko yandi yakapingula inko.+
Ifishi fikancetekela,+Kabili fikalolela ukuboko kwandi.*
6 Inwineni amenso yenu mu muulu,Kabili lolesheni pe sonde.
Pantu imyulu ikasalangana nge cushi;Kabili isonde likasapuka nge ca kufwala,Kabili abekalapo bakafwa ngo tushiishi.
Lelo ukupususha kwandi kukabako umuyayaya,+No bulungami bwandi tabwakapwe.*+
7 Umfweni ifyo nalalanda mwe baishiba ubulungami,Mwe bantu mwe baba na mafunde yandi* mu mitima+ yenu.
Mwitiina ukupumya kwa bantu abena kufwa,Kabili mwitiina pa mulandu wa musaalula wabo.
8 Pantu icipelebesha ca bushiku cikabalya nga filya cilya ica kufwala;Icipelebesha icilya ifya kufwala* cikabalya nga filya cilya ica kufwala ico bapangila na masako ya mpaanga.+
Lelo ubulungami bwandi bukabako umuyayaya,Kabili ukupususha kwandi kukabako mu nkulo+ shonse.”
9 Shibuka, shibuka, fwala amaka,We kuboko kwa kwa Yehova!+
Shibuka nga filya washibwike mu nshiku sha kale sana, nga filya washibwike mu nkulo ishapita.
Bushe te iwe waputawile Rahabu*+ tupimfya tupimfya,We walashile shimweshimwe+ wa muli bemba?
10 Bushe te iwe wakamishe bemba iyashika nga nshi?+
Bushe te iwe walengele apashika muli bemba pabe inshila iyo abalubwike bapitilemo pa kwabuka bemba?+
11 Abo Yehova akalubula bakabwela.+
Bakesa ku Sione ninshi balesekelela,+Kabili bakafwala ukusansamuka ukushipwa nge cilongwe.*+
Bakasekelela no kwanga,Kabili ubulanda no kuteta fikapwa.+
12 “Nine ndemusansamusha.+
Cinshi mwingalatiinina umuntu uukafwa+No mwana wa muntu uukoma nge cani?
13 Cinshi mulabila Yehova uwamubumbile,+Uwafungulwile imyulu+ kabili uwapangile umufula we sonde?
Kabili cila bushiku mwaleba no mwenso pa mulandu wa bukali bwa walemucusha,Kwati alikwete amaka ya kumonaula.
Nomba ubukali bwa walemucusha* buli kwi?
14 Uukonteme ninshi nabamukaka amaceni bali no kumukakula+ nomba line;Takafwe no kuya mu cilindi,Kabili takabulishe umukate.
15 Lelo nine Yehova, Lesa obe,Uusunkanya bemba no kulenga amabimbi yaiko yaima,+Yehova wa mabumba e shina+ lyandi.
16 Nkabika amashiwi yandi mu kanwa kobe,Kabili nkakubika mu cintelelwe ca kuboko kwandi,+Pa kuti mfungulule imyulu kabili mpange umufula we sonde+No kweba Sione ati, ‘Muli bantu bandi.’+
17 Shibuka, Shibuka! Ima we Yerusalemu,+We wanwa muli kapu ya bukali bwa kwa Yehova iili mu minwe yakwe;
Wanwa ifili muli kapu;Wapwisha ukunwa ifili muli kapu ifilenga umuntu alatalantanta.+
18 Pa bana bonse abo afyele tapali nangu umo uwa kumutungulula,Kabili pa bana bonse abo akushishe, tapali nangu umo uwamwikata ku kuboko.
19 Ifintu fibili fikesa pali iwe.
Nani akakumfwila uluse?
Bakakonaula no ku kubongolola, ukaba ne nsala kabili ulupanga+ lukesa pali iwe!
Nani akakusansamusha?+
20 Abana bobe bafwa icipupu.+
Balambalala pa makona yonse aya misebo*Nge mpaanga ya mu mpanga iiketwe mwi sumbu.
Nabekuta ubukali bwa kwa Yehova, ubukali bwa kwa Lesa obe.”
21 E ico kutika ifyo nalalanda,We mwanakashi uwacula kabili uwakolwa, nangu ca kuti te mwangashi wakolwa.
22 Sokulu Yehova Lesa obe, uucingilila abantu bakwe alanda ati:
“Mona! Nkafumya mu minwe yobe kapu iilenga walatalantanta.+Kapu ya bukali bwandi;Tawakanwemo na kabili+ muli yi kapu.
23 Nkabika iyi kapu mu minwe ya balekucusha,+Abakwebele abati,* ‘Kontama pa kuti tupite pa numa yobe!’
E ico walengele inuma yobe yaba ngo mushili.Walengele yaba ngo musebo umwa kuti bapite.”
Amafutunoti
^ Nelyo “uwamufyele ninshi alekalipwa.”
^ Nelyo “amaka yandi.”
^ Nelyo “tabwakonaulwe.”
^ Nelyo “ifya kukonka.”
^ Nelyo kuti yapilibula no kuti, “umwambo.”
^ Mu ciHebere, “ukusansamuka ukushipwa kukaba pa mitwe yabo.”
^ Nelyo “uwalemwisalila.”
^ Mu ciHebere, “pa mpela ya misebo yonse.”
^ Nelyo “abaebele umweo obe abati.”
