Esaya 52:1-15
52 Shibuka! shibuka! fwala amaka+ we Sione!+
Fwala ifya kufwala fyobe ifisuma+ we Yerusalemu, umusumba wa mushilo!
Pantu abashasembululwa na bakowela tabakengile muli iwe+ na kabili.
2 Ikunte ulukungu we Yerusalemu, ima wikale pa cipuna.
Ikakule amaceni* mu mukoshi obe, we mwana mwanakashi Sione+ we o basenda mu kuba nkole.
3 Pantu Yehova alanda ati:
“Bamushitishe ukwabula indalama,+Kabili bakamulubula+ ukwabula indalama.”
4 Pantu Shikulu Mulopwe Yehova alanda ati:
“Pa kubala abantu bandi baileikala ku Egupti uko baileba abalebeshi;+Lyena Asiria alebacusha apabula umulandu.”
5 “Nomba cinshi nalacitapo pali ifi?” e fyo Yehova alanda.
“Pantu abantu bandi balibasendele ukwabula ukulipilapo nangu lumo.
Ababateka balayumfwilapo,”+ e fyo Yehova alanda,“Kabili balasaalula+ ishina lyandi akasuba konse.
6 E cikalenga abantu bandi bakeshibe ishina+ lyandi;E cikalenga bakeshibe muli bulya bushiku ukuti, nine ndelanda.
Moneni, nine ndelanda!”
7 Ifyo yayemba pa mpili amakasa ya uleta imbila nsuma,+Uubilisha ukuti kuli umutende,+Uuleta imbila ya fintu ifisuma,Uubilisha ukuti kuli ukupusuka,Uweba Sione ati: “Lesa obe naba Imfumu!”+
8 Umfwa! Abalinshi bobe basansula amashiwi yabo.
Ba-awila pamo utupundu,Pantu bakamona bwino bwino* ilyo Yehova akabwesha Sione.
9 Sekeleleni, awileni pamo utupundu, mwe fitantaala fya mu Yerusalemu,+Pantu Yehova nasansamusha abantu+ bakwe; nalubula Yerusalemu.+
10 Yehova apeta ica kufwala ca ku kuboko kwakwe ukwa mushilo ninshi inko+ shonse shilemonako;Impela shonse ishe sonde shikamona ifyo Lesa wesu+ apususha.*
11 Kabiyeni, kabiyeni, fumeni muli iyo ncende,+ mwi-ikatako nangu cimo icishasanguluka!+
Fumeni muli ena,+ isungeni aba busaka,Imwe mwe basenda ifipe fya kwa Yehova.+
12 Pantu mukatekanya pa kufuma,Tamwakafulumuke pa kuya,Pantu Yehova akamutangilila,+Kabili Lesa wa kwa Israele akaba ku numa yenu pa kuti akalemulinda.+
13 Moneni! Umubomfi+ wandi akaba na mano mu fyo akalacita.
Bakamupeela icifulo ca pa muulu,Bakamucindamika nga nshi.+
14 Filya fine abengi balepapa nga bamulolesha,Pantu ifyo alemoneka fyalibipile ukucila ifyo umuntu onse alemoneka,Kabili umubili wakwe walibipile ukucila ifyo imibili ya bantu bambi yalemoneka,
15 E fyo akalenga ne nko ishingi+ shikapape.
Imfumu shikesala utunwa twa shiko* pa ntanshi yakwe,+Pantu shikamona ifyo umuntu nangu umo ashashebapoKabili shikabika amano ku fyo shishaumfwapo.+
Amafutunoti
^ Nelyo “intambo.”
^ Nelyo “bakamona ilinso ne linso.”
^ Nelyo “ifyo acimfya.”
^ Nelyo “tashakalande nangu cimo.”
