Esaya 54:1-17
54 “Sekelela we mwanakashi uushikwata bana!+
Sansamuka+ kabili aula utupundu, we mwanakashi uushaumfwapo ubukali bwa pa kupaapa,+Pantu abana ba mwanakashi uo balekelesha bengi nga nshiUkucila abana ba mwanakashi uwakwata umulume,”*+ e fyo Yehova alanda.
2 “Kusha+ incende apa kutanika itenti lyobe.
Tanika itenti lyobe ilikalamba.
Lefya intambo she tenti lyobe, wibika apa kupelela,Kabili kosha+ impoopo she tenti lyobe.
3 Pantu ukasesha imipaka yobe ku kulyo na ku kuso.
Abana bobe bakateka inko,Kabili bakekala mu misumba iyashala ifibolya.+
4 Witiina,+ pantu tawakaseebane;+Kabili wiumfwa insoni, pantu ifyo usubila fikacitika.
Pantu ukalaba ifyo waseebene ilyo wali umwaice,Kabili ukalaba ukuseebana kobe, pa mulandu wa kuti uli mukamfwilwa.”
5 “Pantu uwakubumbile+ aba ngo mulume obe,*+Yehova wa mabumba e shina lyakwe,Kabili uwa Mushilo uwa kwa Israele e Kalubula obe.+
Bakalamwita ukuti Lesa wa pano isonde ponse.+
6 Pantu Yehova akwitile kwati uli mukashi uo balekelesha kabili uwaba no bulanda,*+Ngo mwanakashi uwaupilwe ilyo ali umukashana e lyo pa numa bamukaana,” e fyo Lesa obe alanda.
7 “Pantu nalikulekeleshe pa nshita iinono,Lelo apo ndi wa luse nga nshi nkakulonganika na kabili.+
8 Ilyo nakalipe nga nshi nalikufishile icinso candi pa nshita iinono,+Lelo apo ukutemwa kwandi ukushipwa kwa muyayaya, nkakubelela uluse,”+ e fyo Kalubula obe+ Yehova alanda.
9 “Cili kwati ni mu nshiku sha kwa Noa.+
Nga filya fine nalapile ukuti amenshi ya kwa Noa tayakabunshe isonde+ na kabili,E fyo ndelapa ukuti nshakakufulilwe na kabili nelyo ukukukalipila.+
10 Pantu impili kuti bashifumyapoNo tupili kuti twasunkana,Lelo ukutemwa kwandi ukushipwa takwakafume pali iwe,+Ne cipangano candi ica mutende tacakasunkane,”+ e fyo Yehova, uulemubelela uluse+ alanda.
11 “We mwanakashi+ uwacula, we o umwela uukalamba usenda, we o bashasansamusha,+Amabwe yobe ndeyakuulila ne ndaka iyakosaKabili ndebomfya safiri+ pa kupanga umufula obe.
12 Nkabomfya amabwe ya rubi pa kukuula icibumbili pa muulu we linga lya musumba,Impongolo shobe nkashipangila na mabwe ayabengeshima,*Ne fibumba fyobe fyonse nkafikuulila na mabwe aya mutengo sana.
13 Kabili abana bobe bonse, Yehova+ akabasambilisha,Kabili bakaba sana no mutende.+
14 Ukalimba imishila mu bulungami.+
Bakakutalusha sana ku bucushi,+Tawakatiine nangu panono kabili takwakabe nangu cimo icikalakutiinya,Pantu fikataluka kuli iwe.+
15 Umuntu nga akusansa,Ninshi te ine imwebele.
Onse uwakusansa akawa pa mulandu obe.”+
16 “Mona! Nine nabumbile uufula ifyela,Uupuuta pa mulilo wa malasha,Kabili uupanga icanso.
Nine napangile no muntu uwipaya.+
17 Icanso conse ico bakupangila tacakabombe,+Kabili ululimi lonse ulukupeela umulandu ukalushinina ukuti lwa bufi.
Ubu bupyani bwa babomfi ba kwa Yehova,Kabili mbamona ukuti balilungama,” e fyo Yehova alanda.+
Amafutunoti
^ Nelyo “shikulu.”
^ Nelyo “nga shikulu obe.”
^ Mu ciHebere, “kabili uo bakalifya umupashi.”
^ Nelyo “amabwe aya mulilo.”
