Esaya 55:1-13
55 Imwe bonse mwe bali ne cilaka,+ iseni ku menshi!+
Mwe bashikwete indalama, iseni musende ifya kulya, mulye!
Iseni mupoke umwangashi no mukaka+ ukwabula ukulipila.+
2 Cinshi mubomfesha indalama ku fishili fya kulya,Kabili cinshi mubomfesha indalama ku fishimulenga mwaba ne nsansa?*
Bikeni amano ku fyo ndelanda, kabili lyeni ifisuma,+Kabili mukaipakisha* ukulya ifya kulya ifisuma nga nshi.*+
3 Umfweni ifyo ndelanda kabili iseni kuli ine.+
Umfweni kabili mukaba no mweo,*Nalapangana na imwe icipangano ca muyayaya+Ukulingana no bulayo nalaile Davidi ubwa kumulanga ukutemwa ukushipwa. Ubu ubulayo bwa cishinka.*+
4 Moneni! Namulengele aba inte+ ku nko,Aba intungulushi+ kabili kateka+ wa nko.
5 Mona! Uketa uluko ulo ushaishibaKabili aba mu luko abashakwishiba bakabutukila kuli iwePa mulandu wa kwa Yehova Lesa obe,+ Uwa Mushilo uwa kwa Israele,Pantu akakucindamika.+
6 Fwayeni Yehova ilyo mwingamusanga.+
Lilileni kuli ena ilyo ali mupepi.+
7 Umubifi naleke+ ukucita ifyabipaKabili uucita ifyabipa, naleke ukutontonkanya ifyabipa;Nabwelele kuli Yehova, uukamubelela uluse,+Nabwelele kuli Lesa wesu pantu akamwelela nga nshi.*+
8 “Pantu ifyo ntontonkanya te fyo imwe mutontonkanya,+Kabili ifyo mucita, te fyo ine ncita,” e fyo Yehova alanda.
9 “Pantu filya imyulu yasansama ukucila isonde,E fyo ne fyo ncita fyacila ifyo mucitaKabili e fyo no kutontonkanya kwandi kwacila ukutontonkanya kwenu.+
10 Pantu filya fine imfula, ne mfula ya bungululu bwabuuta iloka ukufuma ku muulu,Kabili taibwelelamo mpaka yanasha umushili ica kuti wamesha ifilimwa,Fyatwala ne fisabo, no ubyala akwata imbuto kabili uulya akwata ifya kulya,
11 E fikaba+ na mashiwi ayafuma mu kanwa kandi.
Tayakabwelele kuli ine ukwabula ukucita nangu cimo,+Lelo yakacita fyonse ifyo natemwa,*+Kabili yakacita ifyo nayatumina.
12 Pantu mukaya ninshi mulesekelela,+Kabili mukabwela+ mu mutende.
Impili no tupili fikasansamuka pa ntanshi yenu, kabili fikala-aula utupundu,+Kabili ifimuti fyonse ifya mu mpanga fikalatoota.+
13 Apafwile ukumena ifimpusa fya myunga pakamena+ imikupiriNapafwile ukumena kaenya pakamena umuhadasi.
Kabili ifi fikalenga Yehova akalumbuke,+Ici cikaba cishibilo ca muyayaya icishakalobe.”
Amafutunoti
^ Nelyo “cinshi mubomfesha indalama isho mucuulila pa kushikwata ku fintu ifishimulenga mwaba ne nsansa.”
^ Nelyo “Kabili imyeo yenu ikaipakisha.”
^ Mu ciHebere, “ifyanona.”
^ Nelyo “imyeo yenu tayakafwe.”
^ Nelyo “bwalicetekelwa.”
^ Nelyo “akamwelela umupwilapo.”
^ Nelyo “yakacita ukufwaya kwandi.”
