Esaya 59:1-21
59 Moneni! Ukuboko kwa kwa Yehova takwaipipa ica kutila kuti kwafilwa ukupususha,+Kabili ukutwi kwakwe takwakoma* ica kutila kuti kwafilwa ukumfwa.+
2 Awe, ifilubo fyenu fyalimufumya kuli Lesa wenu,+
Imembu shenu shalilenga amufisa icinso cakwe,Kabili alakaana ukukutika kuli imwe.+
3 Pantu indupi shenu shalikowela ku mulopa+Kabili iminwe yenu yalikowela ku membu.
Imilomo yenu ilanda ubufi,+ kabili ululimi lwenu lulanda ifishalungama.
4 Takuli nangu umo uubilikisha ukuti kube ubulungami,+Bonse abaya ku cilye tabalanda icishinka.
Bacetekela ifishaba kantu+ kabili balanda ifya buwelewele.
Bemita amafya no kufyala ifyabipa.+
5 Batoota amani ya nsoka ya busungu,Kabili bapikula isumbu lya kwa tandabube.+
Onse uwalya amani yabo alafwa,Kabili ilini nga lyatobeka mutotoka ifwafwa.
6 Isumbu lya kwa tandabube ilyo bapikula talyakabe ica kufwala,Kabili tabakaifimbe ifyo bapanga.+
Ifyo bacita fibi,Kabili ulukaakala lwaba mu minwe yabo.+
7 Amakasa yabo yabutukila mu kucita ifyabipa,Kabili balangufyanya ukusuumya umulopa wa kaele.+
Ifyo batontonkanya fyalibipa;Ubonaushi no bucushi fyaba mu nshila shabo.+
8 Tabaishiba inshila ya mutende,Kabili mu nshila+ shabo tamwaba umulinganya.
Balenga inshila shabo shashokana;Kabili onse uwendamo takeshibe umutende.+
9 E co umulinganya watalukila sana kuli ifwe,Kabili ubulungami tabutusanga.
Tulelolela ulubuuto, lelo moneni! kuli imfifi;Tulelolela ulubuuto, lelo tutwalilila ukwenda mu mfifi.+
10 Tulapampanta nga bapofula pa kuti tufwaye icibumba;Tutwalilila fye ukupampanta+ nga bashimona.
Ilyo akasuba kali pa kati, tulaipununa kwati tuli mu mfifi ya cungulo bushiku;Nga tuli pa ba maka tuba fye nga bafwa.
11 Bonse fye tulila nga bereKabili tulila nge nkunda nga tuleloosha.
Tulolela ukuti kube umulinganya, lelo taubako;Tulolela ipusukilo, lelo lyaba ukutali sana na ifwe.
12 Pantu twalimupondokela imiku iingi, kabili bucipondoka bwesu buli pa ntanshi yenu;+Imembu shesu shonse shilatushinina.+
Pantu twalishiba ifyo twamupondokela;Kabili twalishiba bwino ifilubo fyesu.+
13 Natubembuka kabili natukaana Yehova;Natufutatila Lesa wesu.
Twalelanda pa kucusha abantu na pa kupondoka;+Tulatontonkanya pa bufi ubo twalabepa, kabili tulalanda ifya bufi.+
14 Umulinganya bautamfya,+Kabili ubulungami bwiminine akatalamukila;+Pantu icine caipununa* mu lubansa lwa musumba,Kabili icalungama nacifilwa ukwingilamo.
15 Icine nacipwa,*+Kabili onse uushicita ifyabipa balamusansa.
Yehova alimwene ifi kabili tatemenwe,*Pantu takwali umulinganya.+
16 Alimwene ukuti takwali umwaume nangu umo uwakwafwa abantu,Kabili alipapile pantu takwali nangu umo uwa kubapaapaatilako,E ico ukuboko kwakwe kwalibapuswishe,*Kabili ubulungami bwakwe bwalibafwile.
17 Lyena afwele ubulungami nge ca kucinga icifubaKabili afwele icisote ce pusukilo* ku mutwe wakwe.+
Afwele ifya kufwala+ fya cilandushiKabili afwele ukucincila nge ca kufwala cabula amaboko.
18 Akabalambula pa fyo bacita;+
Abamulwisha akabafulilwa, akakanda abalwani bakwe.+
Kabili ifishi akafikanda ukulingana ne fyo ficita.
19 Abekala uko akasuba kawila bakatiina ishina lya kwa YehovaKabili abekala uko akasuba katulila bakatiina ubukata bwakwe,Pantu akesa ngo mumana uululunkene,Uo umupashi wa kwa Yehova ulesunka.
20 “Kalubula+ akesa+ ku Sione,Akesa ku batuntuka muli Yakobo abashicita ifyabipa,”+ e fyo Yehova alanda.
21 “Lelo ine, ici e cipangano ico napangana nabo,”+ e fyo Yehova alanda. “Umupashi wandi uuli pali iwe na mashiwi yandi ayo nabika mu kanwa kobe, tafyakafume mu kanwa kobe, na mu tunwa twa bana bobe,* e lyo na mu tunwa twa beshikulu bobe,”* “ukufuma nomba ukuya umuyayaya,” e fyo Yehova alanda.
Amafutunoti
^ Mu ciHebere, “takwafina.”
^ Nelyo “ubufumacumi bwaipununa.”
^ Nelyo “Ubufumacumi nabupwa.”
^ Mu ciHebere, “calibipile mu menso yakwe.”
^ Nelyo “kwalimucimfisheko.”
^ Nelyo “ica kucimfya.”
^ Mu ciHebere, “ulubuto lobe.”
^ Mu ciHebere, “ulubuto lwa lubuto lobe.”
