Esaya 9:1-21
9 Lelo imfifi tayakabe nga filya yali ilyo mu calo mwali ubucushi, filya yali kale ilyo icalo ca kwa Sebuluni ne calo ca kwa Naftali bafisaalwile.+ Lelo pa numa akalenga cilya calo ne nshila yaya kuli bemba, kumo ne citungu ca Yordani na Galili wa bena fyalo, fikacindikwe.
2 Abantu abale-enda mu mfifiNabamona ulubuuto ulukalamba.
Na bantu abaleikala mu calo umwali imfifi iyafiitisha,Ulubuuto nalusanika.+
3 Naulenga abantu bafula mu luko;Naulenga lwalasekelela nga nshi.
Balasekelela pa ntanshi yobeNga filya abantu basekelela mu nshita ya kusombola,Nga filya abaleakana ifipe ifyo bapokolwele abo bacimfishe basekelela.
4 Pantu nauputaula ikoli ilyo basendelapo ifipe fyafina,Inkonto iili pa mabeya yabo, inkonto ya kwa kapitao wabo,Nga filya cali ilyo abena Midiani+ babacimfishe.
5 Insapato shonse ishinyantaula umushili pa kwendaNe fya kufwala fyonse ifyo batumpika mu mulopa,Fikapya mu mulilo.
6 Pantu umwana natufyalilwa,+Nabatupeela umwana umwaumeKabili ukuteka* kukaba pa kubeya kwakwe.+
Bakamwinika ukuti, Mpanda Mano wa Kupapusha,+ Lesa wa Maka,+ Wishi wa pe, Kateka wa Mutende.
7 Ukuteka* kwakwe kukaba fye konseKabili umutende tawakapwe+Pa cipuna ca kwa Davidi+ na mu bufumu bwakwePa kuti umulinganya+ no bulungami+ fikalenge bukakose+Kabili bukabeko umuyayaya,Ukufuma nomba ukuya umuyayaya.
Ukucincila kwa kwa Yehova wa mabumba e kukalenga ifi fikacitike.
8 Yehova atumiine Yakobo amashiwi ya kumusoka,Kabili ifyo alandile fyalicitikile Israele.+
9 Kabili abantu bonse bakayeshiba,Abena Efraimu na bekala mu Samaria,Abo pa mulandu no kuitutumuna no musaalula mu mitima yabo balanda abati:
10 “Amayanda ya njelwa nayawa,Lelo tukakuula yambi aya mabwe.+
Ifimuti fya mikunyu nabafitema,Lelo tukapyanikapo imikedari.”
11 Yehova akemisha Resini abalwani bakweKabili akalenga bakamusanse.
12 Abena Siria bakafuma ku kabanga e lyo abaPelishiti bakafuma ku masamba,*+Bakaasamuna utunwa+ twabo pa kulya abena Israele.
Pa mulandu wa ifi fyonse, ubukali bwakwe tabwapwa,Lelo acili alitambalika ukuboko pa kuti abome.+
13 Pantu abantu tababwelela ku uboma;Tabafwaya Yehova wa mabumba.+
14 Yehova akaputula umutwe no mucila wa kwa Israele,E kutila icilepuuka e lyo ne cani icitali,* mu bushiku bumo.+
15 Umukalamba kabili uo bacindika sana, e mutwe,Na kasesema uusambilisha ifya bufi e mucila.+
16 Abatungulula aba bantu balalenga baluba,Kabili abo batungulula, balipelenganishiwa.
17 E mulandu wine Yehova ashakasekelemo mu balumendo babo,Kabili takabelele uluse abana babo abashakwata bashibo* na bamukamfwilwa babo,Pantu bonse aba basangu kabili balacita ifyabipa.+Kabili akanwa konse kalanda ifyabulamo amano.
Pa mulandu wa ifi fyonse, ubukali bwakwe tabwapwa,Lelo acili alitambalika ukuboko pa kuti abome.+
18 Pantu ububifi bupya ngo mulilo,Buloca ifimpusa fya myunga ne fyani.
Buloca ifimuti ifyatitikana mu mutengo,Kabili icushi ca fiko cifutumukila mu muulu.
19 Pa mulandu no bukali bwa kwa Yehova wa mabumbaIcalo cilepya,Kabili abantu bakapya.
Takwakabe nangu umo uukafwilisha umunankwe, nangu fye ni munyina.
20 Umuntu akaputula umunofu wa ku kulyo,Lelo akaba ne nsala;Kabili umuntu akalya umunofu wa ku kuso,Lelo takekute.
Umuntu onse akalya umunofu wa ku kuboko kwakwe,
21 Manase akalya Efraimu,Na Efraimu akalya Manase.
Bonse babili bakemina Yuda.+
Pa mulandu wa ifi fyonse, ubukali bwakwe tabwapwa,Lelo acili alitambalika ukuboko pa kuti abome.+
Amafutunoti
^ Nelyo “ubuteko.”
^ Nelyo “ubuteko.”
^ Mu ciHebere, “ku numa.”
^ Nelyo kuti yapilibula no kuti, “umusambo wa kancindu ne tete.”
^ Nelyo “abana ba nshiwa.”
