Esekiele 2:1-10
2 Lyena anjebele ati: “We mwana wa muntu,* iminina pa kuti nande na iwe.”+
2 Ilyo alandile na ine, umupashi waingile muli ine, kabili wanengele ukwiminina+ pa kuti ng’umfwe uwalelanda na ine.
3 Lyena anjebele ati: “We mwana wa muntu, ndekutuma ku bena Israele,+ ku nko sha bacipondoka ishampondokela.+ Bena ne fikolwe fyabo balamembukila ukufika na lelo.+
4 Ndekutuma ku bana abatalama* kabili abakosa imitima.+ Ufwile ukuyabeba auti, ‘Ifi e fyo Shikulu Mulopwe Yehova alanda.’
5 Nabo, nampo nga bakomfwa nelyo nga bakakaana ukuumfwa—pantu ni ng’anda ya bacipondoka+—bakeshiba ukuti cine cine kasesema ali nabo.+
6 “Lelo iwe we mwana wa muntu wibatiina,+ kabili witiina ifyo balelanda, nangu ca kuti ficilasa ne myunga nafikushinguluka*+ kabili uleikala na bakaling’ongo. Witiina ifyo balelanda,+ kabili wileka ifinso fyabo fikutiinye,+ pantu ni ng’anda ya bacipondoka.
7 Ufwile ukubeba amashiwi yandi, nampo nga bakomfwa nelyo nga bakakaana ukumfwa, pantu ni bacipondoka.+
8 “Lelo iwe, we mwana wa muntu, umfwa ifyo ndekweba. Wipondoka nga aba muli iyi ng’anda ya bucipondoka. Asamuna akanwa kobe no kulya ico ndekupeela.”+
9 Ilyo naloleshe, namwene nabantambika ukuboko,+ kabili namwene uku kuboko nakwikata icimfungwa+ icalembwapo.
10 Ilyo acifungulwile pa ntanshi yandi, calilembelwepo pa ntanshi na ku numa.+ Palembelwe inyimbo sha bulanda,* ukuloosha e lyo no kulila.+
Amafutunoti
^ “Umwana wa Muntu”; uyu e muku wa kubalilapo babomfya aya mashiwi mwi buuku lya kwa Esekiele. Kabili balibomfya aya mashiwi muli ili ibuuku imiku 93.
^ Nelyo “abapama.”
^ Nelyo kuti yapilibula no kuti, “nangu ca kuti abantu balitalama kabili baba nge fintu ifilekulasaula.”
^ Nelyo “inyimbo sha kuloosha.”
