Habakuki 1:1-17
1 Ifi e fyali mu cimonwa ico balangile kasesema Habakuki:*
2 Mwe Yehova, apo natampila ukulila ukuti mungafwe, ni lilali mukang’umfwa?+
Apo natampila ukulomba ukuti mumpusushe ku bankalwe, ni lilali mukacitapo cimo?*+
3 Cinshi mwalekela ndemona uko abantu balecita ifyabipa?
Kabili cinshi mwalekela abantu baletitikisha abanabo?
Cinshi mwalekela ndemona abantu abonaula ifintu, kabili abacita ubunkalwe?
Cinshi abantu mpanga yonse bomanina no kukansana?
4 E co ifunde lishibombela,Kabili takwaba umulinganya.
Pantu ababifi balatitikisha abalungama;E co kushabela umulinganya.+
5 “Lolesheni mu nko kabili bikeni amano ku fili no kucitika!
Lolekesheni ishi inko, mupape kabili musunguke;Pantu kuli ifili no kucitika mu nshiku shenuIfya kuti nangu bamweba+ te kuti musumine.
6 Pantu nkalenga abena Kaldi+ bakamwimine,Luko ulushakwata uluse kabili ulwakalabana.
Balacilinganya ifyalo ifingiPa kuti bapoke amayanda ya bene.+
7 Balalenga abantu baba no mwenso kabili balatiinya.
Balaipangila amafunde no kuipeela amaka.*+
8 Bakabalwe babo balabutuka ukucila imbwili,Kabili balikalipa ukucila ifyo imimbulu ikalipa ubushiku.+
Bakabalwe babo aba nkondo balabutukisha ukuya ku ntanshi;Bakabalwe babo bafuma ukutali sana.
Besa nga kapumpe uulefwaya ukwikata cimo.+
9 Ico bonse beshila ni mu kwipaya.+
Balongana kwati mwela wa ku kabanga,+Basenda bankole kwati balelonganika umucanga.
10 Balatumfya ishamfumuKabili balaseka abalashi.+
Balaseka incende shonse isho bacingilila na malinga ayakosa;+Balatuulika iloba ilya kuti bapitepo ilyo balepoka isho incende.
11 Lyena balengila mu calo kabili bapita kwati mwela,Lelo bakaba no mulandu,+Pantu batila lesa wabo+ e ulenga baleba na maka.”*
12 Mwe Yehova,+ bushe tamwabako ukufuma umuyayaya?
Mwe Lesa wandi, mwe ba Mushilo, imwe tamufwa.*+
Mwe Yehova, nimwe mwabasonta pa kuti bacite ifyo mwapingula;Mwe Cilibwe+ candi, nimwe mwababikako pa kuti bakande*+ abo mwapingula.
13 Mwalisangulukisha ica kuti amenso yenu te kuti yaloleshe pa fyabipa,Kabili te kuti mutekeleshe abacita ifyabipa.+
Nomba cinshi mulekela fye abacita ubucenjeshi+Kabili cinshi mwikalila fye tondolo nga ca kuti uwabipa atitikisha umulungami?+
14 Cinshi mulengela abantunse baba nge sabi lya muli bemba,Nge fya mweo ifya muli bemba ifishakwata wa kufiteeka?
15 Ifi fyonse afilobela* ku bulobo.
Afikatila mu mukwau wakwe,Kabili afikatila mwi sumbu lyakwe.
E cilenga alesekelela nga nshi.+
16 E co atuulila amalambo ku mukwau wakweKabili e co atuulila amalambo* kwi sumbu lyakwe;Pantu ifi fine e fyalenga alelya ifya kulya ifyanona sana,Kabili e filenga alelya ifya kulya ifisuma.
17 Bushe akatwalilila fye ukufumya ifintu ifyo ekata mu mukwau* wakwe?
Bushe akatwalilila fye ukwipaya inko ukwabula ukushumfwila uluse?+
Amafutunoti
^ Nalimo lyalola mu kuti “ukukumbatila sana.”
^ Nelyo “mukampususha.”
^ Nelyo “umucinshi.”
^ Nelyo kuti yapilibula no kuti, “lesa wabo e maka yabo.”
^ Nelyo kuti yapilibula no kuti, “tatwakafwe.”
^ Nelyo “bakalipile.”
^ E kutila, umulwani wabo umwina Kaldi.
^ Nelyo “amalambo ya koca.”
^ Nelyo kuti yapilibula no kuti, “akatwalilila fye ukulasomona ulupanga lwakwe?”
