Hosea 12:1-14
12 “Efraimu alelya umwela.
Apepeka umwela wa ku kabanga akasuba konse.
Alabepa sana kabili alacita sana ulukaakala.
Bapangana icipangano na Asiria,+ kabili batwala amafuta ku Egupti.+
2 Yehova nakwata umulandu wa kulubulwisha Yuda;+Akalubulwisha Yakobo ukulingana ne nshila shakwe,Kabili akamupingula ukulingana ne fyo acita.+
3 Ilyo aali mwi fumo aikete munyina ku citende,+Kabili ku maka yakwe ashashele na Lesa.+
4 Atwalilile ukushashala na malaika kabili alicimfishe.
Alililile no kupaapaata pa kuti bamupaale.”+
Lesa amusangile ku Betele, kabili kulya kwine e ko Lesa alandiile na ifwe,+
5 Yehova Lesa wa mabumba,+Yehova e shina lya kumwibukishishako.+
6 “E ico bweleleni kuli Lesa wenu,+Mutwalilile ukuba no kutemwa ukushipwa no mulinganya,+Kabili lyonse mulesubila muli Lesa wenu.
7 Lelo shimakwebo ali na sekelo ya bucenjeshi mu minwe yakwe;Alitemwa ubucenjeshi.+
8 Lyonse Efraimu alanda ati, ‘Cine cine nalinonka;+Nalisanga ifyuma.+
Muli fyonse ifyo nabombesha, tabakasangemo icilubo nelyo ulubembu.’
9 Lelo ine nine Yehova Lesa obe ukutula ilyo wali mu calo ca Egupti.+
Nkalenga ukekale mu matenti na kabiliNga filya waleikala mu nshiku ishapimwa.*
10 Nalilandile na bakasesema,+Nalibafushishe ifimonwa,Nalilandile imilumbe ukupitila muli bakasesema.
11 Mu Gileadi mwaba ubucenjeshi*+ no bufi,
Mu Gilgali e mo batuula amalambo ya ng’ombe ishilume,+Kabili ifipailo fyabo fyaba nge miina ya mabwe mu tumifoolo twa mwi bala.+
12 Yakobo afulumukiile ku mpanga ya Aramu;+Kulya kwine e ko+ abombeele pa kuti bamupeele umwanakashi wa kuupa,+Kabili alicemene impaanga+ pa kuti bamupeele umwanakashi wa kuupa.
13 Yehova abomfeshe kasesema pa kufumya Israele mu Egupti,+Kabili abomfeshe kasesema pa kumucingilila.+
14 Efraimu alikalifye sana Lesa;+Umulandu wa mulopa waba pali ena;Shikulu wakwe akamukanda pa museebanya wakwe.”+
