Hosea 5:1-15
-
Efraimu na Yuda babapingula (1-15)
5 “Umfweni ici mwe bashimapepo,+Kutikisheni, mwe ba mu ng’anda ya kwa Israele,Kutikeni mwe ba mu ng’anda ya mfumu,Pantu ubu ubupingushi nimwe bukumine;Pantu muli nge citeyo kuli MispaKabili muli nge sumbu ilyo bateya pa Tabore.+
2 Na balepondoka* baleipaya sana,Kabili ine bonse ndebasoka.
3 Efraimu nalimwishiba,Kabili Israele tafisama kuli ine.
Pantu nomba we Efraimu, wali-ipoosaika* sana;Israele ali-ikowesha.+
4 Ifyo bacita tafibasuminisha ukubwelela kuli Lesa wabo,Pantu balacita sana bucilende;*+Kabili Yehova tabamwishiba.
5 Icilumba ca kwa Israele nacimushinina;*+Israele na Efraimu nabaipununa pa mulandu wa filubo fyabo.Kabili Yuda na o naipununa pamo nabo.+
6 Baile ne mpaanga shabo ne ng’ombe shabo mu kufwaya Yehova,Lelo tabamusangile.
Alibatalwike.+
7 Balifutuka Yehova,+Pantu balifyala abana mu nko shimbi.
Nomba no mweshi tawakapwe bakabalya* kumo no bupyani bwabo.*
8 “Lisha intandala+ mu Gibea, ne penga mu Rama!+
Welesha ukuwelesha kwa nkondo pa Bete-abene+—tuli na iwe, we Benjamini!
9 We Efraimu, ukaba ica kupapusha mu bushiku nkakukanda.+
Ninenga icikacitikila imikowa ya kwa Israele caishibikwa.
10 Bacilolo ba kwa Yuda baba nga basesha umupaka.+
Nkabapongolwela ubukali bwandi nga menshi.
11 Efraimu nabamutitikisha, kabili ubupingushi bwakwe nabulinga,Pantu alefwaisha ukukonka umulwani wakwe.+
12 E ico nali nge cipelebesha ca bushiku kuli EfraimuKabili ngo kubola ku ba mu ng’anda ya kwa Yuda.
13 Ilyo Efraimu amwene ubulwele bwakwe, na Yuda amona icilonda cakwe,Efraimu aile ku Asiria+ kabili atumine inkombe ku mfumu nkalamba.
Lelo yalifililwe ukumundapa,Kabili yalifililwe ukundapa icilonda cenu.
14 Pantu ine nkaba nge nkalamo iyana kuli Efraimu,Kabili nkaba nge nkalamo iyakosa* ku ba mu ng’anda ya kwa Yuda.
Nkabasantaula nkaye no kuya;+Kabili takwakabe nangu umo uwa kubapokolola.+
15 Nkaya, kabili nkabwelelamo ku cifulo candi mpaka bakakandwe pa filubo fyabo,Lyena bakafwaya ukuti nkabatemwe.*+
Ilyo bakaba na mafya, bakamfwaya.”+
Amafutunoti
^ Nelyo “abalewa.”
^ Nelyo “ulacita sana ifyabipa; ulacita bucilende.”
^ Nelyo “ubulalelale; balaipoosaika.”
^ Mu ciHebere, “nabamushinina pa cinso cakwe.”
^ Nelyo “amabala yabo.”
^ Mu ciHebere, “nomba umweshi ukabalya.”
^ Nelyo “inkalamo iyana iya masense.”
^ Mu ciHebere, “bakafwaya icinso candi.”
