Hosea 6:1-11
6 “Iseni, kabili natubwelele kuli Yehova,Pantu natusantaula,+ lelo akatundapa.
Natupumaula, lelo akatukakila ifilonda.
2 Akalenga tukabe aba mweo pa numa ya nshiku shibili.
Pa bushiku bwalenga shitatu akatwimya,Kabili akalenga tukabe aba mweo pa cinso cakwe.
3 Tukeshiba, tukafwaisha ukwishiba Yehova.
Nga filya fine akasuba katula ulucelo nangu cibe shani e fyo akesa;Akesa kuli ifwe nge mfula iilefumfumuka,Nge mfula ya kulekelesha iitapilila isonde.”
4 “Cinshi ningakucitila, we Efraimu?
Cinshi ningakucitila, we Yuda?
Pantu ukutemwa ukushipwa uko utila walikwata kwaba nga makumbi ya lucelo,Kabili ngo mume uukuntika bwangu.
5 E mulandu wine nkabaputawila ukubomfya bakasesema;+Nkabepaila ku mashiwi ya mu kanwa kandi.+
Kabili ifyo nkamupingula fikabengeshima ngo lubuuto.+
6 Pantu ukutemwa ukushipwa e ko natemwa,* te malambo,Kabili ukwishiba Lesa e ko natemwa, te mituulo ya koca.+
7 Lelo bena, balipula mu cipangano nga filya abantu bambi bacita.+
Mu calo cabo e mo bampondokela.
8 Gileadi musumba wa bacita ifyabipa,+Monse umo banyanta mushala umulopa.+
9 Ibumba lya bashimapepo lyaba nge fipondo ifibelamina abantu pa kuti fibapoke ifipe.
Balepaya abantu mu musebo pa Shekemu,+Pantu ifyo bacita fya nsoni.
10 Nalimona ica bunani mu ng’anda ya kwa Israele.
Mulya e mo Efraimu acitila bucilende;+Icalo ca Israele cali-ikowesha.+
11 Na kabili, ninkupimina inshita ya kusombola we Yuda,Ilyo nkabwesha abantu bandi ukufuma muli bunkole.”+
Amafutunoti
^ Nelyo “uluse elo natemwa.”