Hosea 8:1-14
8 “Bika intandala ku kanwa kobe!+
Umulwani esa nga kapumpe uwafookela pa ng’anda ya kwa Yehova,+Pantu nabatoba icipangano candi+ kabili nabapula mwi funde lyandi.+
2 Balilila kuli ine abati, ‘Mwe Lesa wesu, ifwe fwe bena Israele twalimwishiba!’+
3 Israele alikaana icisuma.+
Lekeni umulwani amukunkunike.
4 Nabaisontela imfumu, lelo tabapitiile muli ine.
Nabaisontela bacilolo, ukwabula ukuti ine nsuminisheko.
Kuli silfere yabo na golde yabo balepangako utulubi,+Ifi fikalenga bakalobe.+
5 We Samaria, umwana obe uwa ng’ombe umulume nabamukaana.+
Ubukali bwandi nabubemina.+
Ni lilali bakaleka ukufilwa ukuba aba kaele?*
6 Pantu afuma kuli Israele.
Umuntu uwaishiba sana ifya kupangapanga e wamupangile, kabili te ka Lesa ka cine;Umwana wa ng’ombe umulume wa kwa Samaria akashala fye tupimfya tupimfya.
7 Pantu batanda umwela,Kabili bakasombola icikuuku ca mwela.+
Takwaba ingano ishifumya imitwe;+Nga kwaba ishapuuka takufuma ubunga.
Nga kukaba ishikafumya ubunga, abantu ba ku calo cimbi* e bakabulya.+
8 Israele bakamumina.+
Nomba bakasalanganina mu nko,+Kwati cipe ico bashilefwaya.
9 Pantu nabaya ku Asiria,+ nge mpunda ya mpanga iyenda yeka.
Efraimu nalipila bacilende.+
10 Nangu ca kuti balipila bacilende ba mu nko shimbi,Ndi no kubalonganya;Bakatendeka ukucula+ pa mulandu ne cisendo ico imfumu na bacilolo bakabikako.
11 Pantu Efraimu ali-ifushisha ifiipailo ifyalenga alebembuka.+
Fyalisanguka ifipailo fyakwe kabili fyalilenga alebembuka.+
12 Nalilembeele Efraimu ifintu ifingi ifya mu mafunde yandi,*Lelo balefimona fye nge fyeni.+
13 Balantuula amalambo ya nama, kabili balalya inama,Lelo Yehova tasekela mu fyo bacita.+
Nomba akebukisha icilubo cabo kabili akabakanda pa membu shabo.+
Nababwelela* ku Egupti.+
14 Israele alilaba uwa Mupangile+ kabili alikuula amatempele,+Kabili Yuda alifusha imisumba ya malinga ayakosa.+
Lelo nkatuma umulilo mu misumba yakwe,Kabili ukooca impungu mu musumba umo na umo.”+
Amafutunoti
^ Nelyo “abasanguluka.”
^ Nelyo “abantu bambi bambi.”
^ Nelyo “ifyaba mu fyakukonka fyandi.”
^ Nelyo kuti yapilibula no kuti, “bakabwelela.”
