Hosea 9:1-17
9 “Wisekelela we Israele.+Wiyanga nge fyo abantu aba mu nko ishalekanalekana bacita.
Pantu pa mulandu wa bucilende* walifuma kuli Lesa obe.+
Walitemwa amalipilo ya muli bucilende pa fya kupuminapo ingano fyonse.+
2 Lelo takwakabe ifya kulya fya kuti bakalelya ifikafuma apa kupumina ingano no mwa kukamina imyangashi,Kabili takakwate umwangashi uupya.+
3 Tabakatwalilile ukwikala mu calo ca kwa Yehova;+Lelo Efraimu akabwelela ku Egupti,Kabili mu Asiria e mo bakaliila ifishasanguluka.+
4 Bakaleka ukutuula Yehova umutuulo wa mwangashi;+Amalambo yabo tayakamusekeshe.+
Baba kwati mukate wa kuloosha;Bonse abakalya uyu mukate bakaikowesha.
Pantu umukate wabo, wabo fye;*Tabakautwale mu ng’anda ya kwa Yehova.
5 Cinshi mukacita mu bushiku bwa kulongana,*Cinshi mukacita mu bushiku bwa mutebeto wa kwa Yehova?
6 Pantu moneni! bakafulumuka pa mulandu wa bonaushi.+
Egupti akabalonganya+ kabili Memfisi akabashiika.+
Kaenya ikamena kabili ikafimbilikisha ifintu fyabo ifisuma sana ifya silfere,Kabili mu matenti yabo mukamena ifimpusa fya myunga.
7 Inshiku sha kulubulula shikesa,+Inshiku sha cilandushi shikesa,Kabili Israele akeshiba.
Kasesema wabo akaba iciwelewele, kabili kasesema wa bufi akapena;Pantu ifilubo fyenu nafifula sana, kabili ubulwani bwenu nabukula sana.”
8 Kalinda+ wa mu Efraimu aali na Lesa wandi.+
Lelo nomba inshila sha bakasesema shonse+ shili nge nkose sha wikata ifyuni;Mu ng’anda ya kwa Lesa wa kwa kasesema muli ubulwani.
9 Balicita sana ifyabipa ifikalenga bakonaulwe, nga filya abaleikala mu Gibea balecita.+
Akebukisha icilubo cabo kabili akabakanda pa membu shabo.+
10 “Israele namusangile nge myangashi mu matololo.+
Ifikolwe fyenu nafimwene nga makunyu ya kubalilapo ku cimuti ca mukunyu.
Lelo baile kuli Baali wa ku Peore;+Baipeeleshe ku cintu ca nsoni,*+Kabili baishileba ica bunani nga filya icintu ico batemenwe cali.
11 Ubukata bwa kwa Efraimu bwapupuka nge cuni bwaya;Takuli ukupaapa, ukuba ne fumo no kwimita.+
12 Nangu fye bakakushe abana,Nkalenga bakafwilwe pa kuti pekashala umwaume nangu umo;+Cine cine bakaba no bulanda ilyo nkabasha!+
13 Efraimu uwalimbwa mu mpanga ya mulemfwe, ine nalemumona nga Turi;+Nomba Efraimu alingile ukutwala abana bakwe ku wa kubepaya.”
14 Mwe Yehova, bapeeleni ico mufwile ukubapeela,Bapeeleni icisa iciponya amafumo na mabele ayabulamo umukaka.*
15 “Ifyabipa fyabo fyonse baleficitila mu Gilgali,+ kulya kwine e ko nabapatiile.
Nkabatamfya mu ng’anda yandi pa mulandu ne fyabipa ifyo bacita.+
Nshakatwalilile ukubatemwa;+Bacilolo babo bonse balitalama.
16 Efraimu akonaulwa.+
Umushila wabo ukooma, kabili tabakatwale ifisabo.
Nangu ca kuti bakakwata abana, nkepaya aba bana abo bakatemwa.
17 Lesa wandi akabakaana,Pantu tabakutika kuli ena,+Kabili bakalaendauka fye mu nko.+
Amafutunoti
^ Nelyo “ubulalelale; ukuipoosaika.”
^ Nelyo “wa myeo yabo.”
^ Nelyo “pa mutebeto wenu uwasalwa.”
^ Nelyo “lesa wa nsoni.”
^ Nelyo “ayapapa.”