Ukulingana ne fyo Mateo Ailembele 1:1-25
1 Ibuuku ililanda pa lyashi* lya kwa Yesu Kristu,* umwana wa kwa Davidi,+ umwana wa kwa Abrahamu:+
2 Abrahamu afyele Isaki;+Isaki afyele Yakobo;+Yakobo afyele Yuda+ nabana bambi;
3 Yuda afyele Peresi na Sera+ muli Tamari;Peresi afyele Hesrone;+Hesrone na o afyele Ramu;+
4 Ramu afyele Aminadabu;Aminadabu afyele Naashone;+Naashone na o afyele Salumoni;
5 Salumoni afyele Boasimuli Rahabu;+Boasi afyele Obedi muli Ruti;+Obedi afyele Yese;+
6 Yese afyele Davidi+ uwaishileba imfumu.
Davidi afyele Solomone+ mu wali umukashi wa kwa Uria;
7 Solomone afyele Rehoboamu;+Rehoboamu afyeleAbiya;Abiya afyele Asa;+
8 Asa afyele Yehoshafati;+Yehoshafati afyele Yehoramu;+Yehoramu afyele Usia;
9 Usia afyele Yotamu;+Yotamu afyele Ahasi;+Ahasi afyele Hisekia;+
10 Hisekia afyele Manase;+Manase afyele Amone;+Amone afyele Yoshia;+
11 Yoshia+ afyele Yekonia+ na bana bambi, ilyo bali mupepi no kubasenda bunkole ku Babiloni.+
12 Ilyo bali bankole ku Babiloni, Yekonia afyele Shealetieli;Shealetieli afyele Serubabele;+
13 Serubabele afyele Abiudi;Abiudi afyele Eliakimu;Eliakimu afyele Asore;
14 Asore afyele Sadoki;Sadoki afyele Akimu;Akimu afyele Eliudi;
15 Eliudi afyele Eleasari;Eleasari afyele Matani;Matani afyele Yakobo;
16 Yakobo afyele Yosefe, uwaishileba umulume wa kwa Maria. Maria e nyina+ wa kwa Yesu, uo beta ukuti Kristu.+
17 E ico inkulo shonse ukufuma pali Abrahamu ukufika pali Davidi shali 14; ukufuma pali Davidi ukufika pa nshita babasendele bunkole ku Babiloni shali 14; kabili ukufuma pa nshita babasendele bunkole ku Babiloni ukufika pali Kristu shali 14.
18 Nomba ifi e fyo cali pa kuti Yesu Kristu afyalwe. Pa nshita Maria akobekelwe kuli Yosefe, ninshi tabalaupana no kuupana, aishilekwata ifumo ilyafumine ku mupashi wa mushilo.*+
19 Nomba apo Yosefe umulume wakwe ali uwalungama, talefwaya ukumuseebanya ku bantu. E ico apangile ukumuleka mu bumfisolo.+
20 Nomba pa numa ya kutontonkanya pali ifi fyonse, moneni! malaika wa kwa Yehova* alishile kuli ena mu cilooto, kabili amwebele ati: “Yosefe we mwana wa kwa Davidi, witiina ukusenda umukashi obe Maria ku mobe, pantu umupashi wa mushilo+ e ulengele ukuti emite.
21 Akafyala umwana umwaume, kabili ukamwinike ati Yesu,*+ pantu akalubula abantu bakwe ku membu shabo.”+
22 Na kuba ifi fyonse fyacitike pa kuti ifyo Yehova* alandiile muli kasesema wakwe fifikilishiwe. Atile:
23 “Moneni! Nacisungu akemita no kufyala umwana umwaume, kabili bakamwinika ati Imanuele.”+ Ili ishina nga balipilibula, lyalola mu kuti “Lesa Aba na Ifwe.”+
24 Lyena Yosefe alishibwike kabili alicitile ifyo malaika wa kwa Yehova* amwebele, alisendele umukashi ku mwakwe.
25 Lelo taleelepo nankwe mpaka afyala umwana umwaume,+ kabili amwinike ati Yesu.+
Amafutunoti
^ Nelyo “Mesia; Uwasubwa.”
^ Nelyo “intuntuko.”
^ Nelyo “amaka ya kwa Lesa.”
^ Pa miku 237 iyo balumbula ishina lya kuti Yehova mu Amalembo ya ciGriki aya Bena Kristu muli ino Baibo, uyu e muku wa kubalilapo. Moneni Ifyebo Fyalundwako pa A5.
^ Lishina limo line ne shina lya ciHebere ilya kuti Yeshua nelyo Yoshua, ilyalola mu kuti “Yehova E Pusukilo.”
^ Moneni Ifyebo Fyalundwako pa A5.
^ Moneni Ifyebo Fyalundwako pa A5.
