Mika 2:1-13
2 “Abapanga ukucita ifyabipa cikababipila,Abapanga ukucita ifyabipa ilyo baleele pa masanshi yabo!
Ilyo bwaca ulucelo balaficita,Pantu balikwata amaka ya kuficita.+
2 Balakumbwa amabala no kuyapoka;+Kabili balakumbwa amayanda no kuyapoka;Balapoka abantu amayanda mu bucenjeshi,+Balapoka abantu impanga shabo isha bupyani.
3 E ico Yehova atila:
‘Imwe mwe bantu nkamuletela ubucushi+ ubo mushakapusuke.*+
Mukaleka ukwenda cilumba cilumba+ pantu iyi nshita ikaba ni nshita ya bucushi.+
4 Muli bulya bushiku abantu bakalanda ipinda pali imwe,Kabili bakamulilila ubulanda.+
Bakatila: “Nabatupoka fye fyonse!+
Napoka impanga yesu apeela na bantu bambi!+
Abantu abashaba ne cishinka e bo apeele amabala yesu.”
5 E ico tamwakakwate nangu umo uwa kumufungulwilako intambo ya kupiminako,Pa kwakanya ulukuta lwa kwa Yehova impanga.
6 Balanda abati, “Lekeni ukushimika!Tabafwile ukushimika ifi fintu,Tatwakaseebane!”
7 Mwe ba mu ng’anda ya kwa Yakobo, bushe tabalanda abati:
“Bushe umupashi wa kwa Yehova naukalipa?
Bushe ni Lesa alecita ifi?”
Bushe nshalaya ukuti abang’umfwila nkabacitila ifisuma?
8 Lelo muno nshiku abantu bandi baalima kwati mulwani.
Mufumisha icibekobeko ne ca kufwala* ca mukankaala pa lwalalaKu bapita cilumba cilumba kwati ni filya fyenda abalebwela ku nkondo.
9 Mutamfya abanakashi ba bantu bandi mu mayanda yabo ayo batemwa nga nshi;Mupoka abana babo ifisuma ifyo mbapeela, kabili tamubabwesesha.
10 Imeni kabiyeni, pantu pano te pa kutuushisha.
Ifintu mu calo nafyonaika, nafyonaika sana+ pa mulandu wa kuti icalo calikowela.+
11 Nga ca kuti umuntu alecita ifya buwelewele kabili alebepa ubufi bwa kuti:
“Nkamushimikila pa mwangashi na pa bwalwa,”
Ninshi ale-eba fye abantu ifyo bengatemwa ukumfwa!+
12 Nangu cibe shani mwe bana ba kwa Yakobo;Nkamulonganya bonse, nangu cibe shani nkalonganya abashalapo pa bena Israele.+
Nkabalonganika, kabili bakaba ngo mukuni umo uwa mpaanga mwi cinka,Nga filya impaanga ishili mu mukuni umo shiba pamo ilyo shilelya umulemfwe;+Mu calo mukakaba na se ku congo.’+
13 Uukatula ilinga e ukabatangilila;Bakakusha icipunda kabili bakafumina pa mpongolo.+
Imfumu yabo ikabatangilila pa kufuma,Kabili Yehova akaba pa ntanshi yabo.”+
Amafutunoti
^ Mu ciHebere, “tamwakapusushe imikoshi yenu.”
^ Nelyo kuti yapilibula no kuti “pa ca kufwala.”
