Mika 5:1-15
5 “Nomba uleitetaula,We mwana mwanakashi uo basansa;Nabatushinga.+
Inkonto e yo baleuminako kapingula wa kwa Israele pe saya.+
2 Kabili iwe, we Betelehemu Efrata,+We wacepa nga nshi ica kuti tawalinga no ku kupendela pa makana* ya mu Yuda,Muli iwe e mukafuma uukaba kateka mu Israele,+Intulo yakwe ya kale, ya kale icine cine.
3 E ico Lesa akabashaMpaka umwanakashi uwaba pa bukulu akapaape.
Kabili bandume nankwe ba ntungulushi abakashalapo bakabwelela ku bena Israele.
4 Akeminina no kucemena ku maka ya kwa Yehova,+Yehova Lesa wakwe uwakwata ishina ilya lulumbi, e ukamupeela amaka.
Kabili bakalaikala mu mutende,+Pantu ululumbi lwakwe lukafika na ku mpela ye sonde.+
5 Kabili akalenga kukabe umutende.+
Nga ca kuti abena Asiria basansa icalo cesu, kabili nga banyanta mu mpungu shesu,+Tukabemisha bakacema 7, bacilolo abaume 8.*
6 Bakacemena icalo ca Asiria ku lupanga,+Ne calo ca kwa Nimrode+ pa miinshi ya ciko.
Kabili akatupususha ku mwina Asiria,+Ilyo akasansa icalo cesu, kabili ilyo akanyanta mu mpanga yesu.
7 Abakashalapo pa bana ba kwa Yakobo bakaba mu bantu abengiBakaba ngo mume uulefuma kuli Yehova,Kabili bakaba nge mfula iilemiima pa fimenwa.Umume ne mfula tafishintilila pa bantunseNelyo pa bana ba bantunse pa kuti fibeko.
8 Abakashalapo pa bana ba kwa Yakobo bakaba mu nko,Mu bantu abengi,Nge nkalamo pa nama sha mu mutengo,Nge nkalamo iyana* pa mukuni wa mpaanga,Inkalamo iyana iya kuti ilyo ilepita yafukukila inama no kushisantaula tupimfya tupimfya;Kabili takuli nangu umo uwa kushipokololako.
9 Ukacimfya abalwani bobe,Kabili abalwani bobe bonse bakaloba.”
10 Yehova atila, “Muli bulya bushiku,Nkalofya bakabalwe bobe kabili nkonaula amaceleta yobe.
11 Nkonaula imisumba ya mu calo cobeKabili nkabongolola amalinga yobe ayakosa.
12 Nkapwisha* ifya buloshi ifyo mucita,Kabili pa bacita ifinjelengwe tapakashale nangu umo.+
13 Nkonaula ifimpashanya ne fyo mwaimika ifyo mupepelapo,Kabili tamwakatwalilile ukukontamina ifyo mwapanga.+
14 Nkanukula ifyo mwaimika ifya fimuti*+ ifyo mupepelapoKabili nkonaula imisumba yenu.
15 Nkakalipa kabili nkaba ne cipyuPa kulandula inko ishishing’umfwila.”
Amafutunoti
^ Nelyo “imikowa.”
^ Nelyo “intungulushi.”
^ Nelyo “inkalamo iyana iyakwata amasense.”
^ Mu ciHebere, “Nkafumya mu minwe yenu.”
