Sekaria 10:1-12
10 “Lombeni Yehova ukuti amupeele imfula mu nshita kuba imfula ya kulekelesha.
Yehova e ulenga kwaba amakumbi ya mfula iikalamba,E ulosesha abantu imfula,+Kabili e umesesha abantu bonse ifimenwa mu mpanga.
2 Pantu utulubi twa terafimu* natulanda ifya bufi;Kabili ababuka imbuko bamwene ifimonwa fya bufi.*
Balanda pa filoto fya fye,Kabili ukusansamusha kwabo kwa fye.
E co bakalalulumbila nge mpaanga.
Bakacula pantu tabakwata kacema.
3 Nkafulilwa sana bakacema,Kabili nkalubulwisha intungulushi ishititikisha abantu;*Pantu nomba Yehova abikile amano ku mpaanga shakwe,+ aba mu ng’anda ya kwa Yuda,Kabili alilenga baba nga kabalwe wakwe uwa nkondo uwacindama.
4 Intungulushi* ifuma kuli ena,Kateka uutungilila* afuma kuli ena,Ubuta bwa kubomfya mu nkondo bufuma kuli ena;Bakangalila* bonse bafuma kuli ena, bonse pamo.
5 Kabili bakaba nga bantu abaishibisha ukulwa inkondo,Abanyantaula amatipa mu misebo ilyo kuli inkondo.
Bakalwa inkondo pantu Yehova ali nabo;+Kabili abanina pali bakabalwe bakekatwa insoni.+
6 Nkalenga ing’anda ya kwa Yuda ikacile amayanda yonse,Kabili nkapususha aba mu ng’anda ya kwa Yosefe.+
Nkababwesesha ku calo cabo,Pantu nkababelela uluse;+Kabili bakaba kwati nshabalabatamfyapo;+Nkabasuka, pantu nine Yehova Lesa wabo.
7 Abantu ba kwa Efraimu bakaba nga bantu abaishibisha ukulwa inkondo,Kabili bakalasekelela nga abanwene umwangashi.+
Abana babo bakamona ifi kabili bakalasekelela;Imitima yabo ikalasekelela muli Yehova.+
8 ‘Nkabalishisha umunsoli pa kubalonganya;Pantu nkabalubula,+ kabili bakafula,Bakalafulilako fye.
9 Nangu ca kuti nalibasalanganishisha mu nko nge mbuto,Bakanjibukisha mu fyalo fya kutali;Bena na bana babo bakaba na maka na kabili, kabili bakabwela.
10 Nkababwesha ukufuma ku calo ca EguptiKabili nkabalonganya ukufuma ku Asiria;+Nkababwesesha ku Gileadi+ na ku Lebanone,Ne ncende ya kwikalamo ikacepa.+
11 Akapita pali bemba ninshi ali no bulanda;Kabili akoma amabimbi ninshi ali pali bemba;+Amenshi ya mu mumana wa Naelo yonse yakakama.
Akapwisha icilumba ca bena Asiria,Kabili Egupti bakamupoka inkonto ya bufumu.+
12 Ine ne Yehova nkalenga bakabe na maka,+Kabili bakalaendela mwi shina lyandi,’+ e fyo Yehova alanda.”
Amafutunoti
^ Nelyo “tulesa twa mu ng’anda; utulubi.”
^ Nelyo “ifinjelengwe.”
^ Mu ciHebere, “imbushi ishilume.”
^ Mu ciHebere, “ulupungu lwa pa kona,” ulwimininako umuntu uwacindama; shimucindikwa.
^ Mu ciHebere, “ulupopo,” ulwimininako uutungilila; kateka.
^ Nelyo “Bakapitao.”
